Deri te mungesa e kripës së kuzhinës në trup mund të vijë si pasojë e vjelljes për një kohë të gjatë, diarresë, gjatë disa sëmundjeve të veshkave dhe gjatë sëmundjes së Addison-it (sëmundja e gjëndrave mbiveshkore) dhe në rastin e ngatërrimit të zorrëve. Deri mangësia e kripës mund të vijë edhe për shkak të djersitjes së tepërt.
Shenjat e para të mungesës së kripës në organizëm janë humbja e oreksit, dobësimi i përgjithshëm dhe humbja e ndjenjës së aromës dhe shijes së ushqimit. Më pas, në qoftë se mungesa rritet, lëkura bëhet e thatë, e rrudhur, ndërsa mollëzat të buta. Në gjendjet më të rënda shfaqet edhe diarrea, përgjumja dhe irritimi.
Trajtimi kryhet me dhënien e një tretësi të kripës së kuzhinës dhe ujit. Ky tretës jepet në formën e injektimit në venë, ndërsa në rastet më të lehta mund të përdoret nëpërmjet konsumit të prej 5 gram kripë në gjysmë litër ujë.
Nëse mungesën e kripës e ka shkaktuar ndonjë sëmundje, fillimisht duhet të trajtohet sëmundja.
