Një studim nga Njësia e Kujdesit Intensiv të SHBA zbuloi se nivelet e vdekshmërisë së COVID-19 u ulën me kalimin e kohës. Vdekshmëria u ul edhe pse karakteristikat e pacientit mbetën të njëjtat.
Një studim i botuar në Annals of Internal Medicine monitoroi gjendjen e pacientëve me sëmundje kritike me COVID-19 të pranuar në njësinë e kujdesit intensiv të Spitalit Universitar të Pensilvanisë.
Studiuesit përdorën regjistra shëndetësorë të pacientëve për të përcaktuar shkakun e vdekjes për të gjithë 468 pacientë me sëmundje kritike të lidhur me COVID-19 gjatë një periudhe 28-ditore gjatë ditëve të para të pandemisë. Ata vëzhguan vdekjen nga të gjitha arsyet në çdo kohë, gjatë ventilimit mekanik dhe ripranimin.
Të dhënat treguan se 68 përqind e pacientëve u trajtuan me ventilim mekanik, ndërsa 25.9 përqind me vazopresorë – ilaçe që ngushtojnë enët e gjakut. Shkalla e vdekshmërisë ishte 29 përqind, ndërsa shkalla e ripranimit ishte 10.8 përqind.
Studiuesit vunë në dukje se vdekshmëria u ul me kalimin e kohës, nga 43.5 për qind në 19.2 për qind midis matjeve të para dhe të fundit, pa ndonjë ndryshim në gjendjen e përgjithshme të pacientëve të monitoruar ose faktorë të tjerë.
Megjithëse nevojiten më shumë kërkime për të përcaktuar pse nivelet e mbijetesës janë rritur, autorët sugjerojnë që zbatimi më i mirë i terapive standarde të bazuara në kujdesin për sëmundjet kritike, të tilla si përdorimi i një kanule hundës me qarkullim të lartë për të parandaluar intubimin, mund të jetë i dobishëm.
