Shkrihen pas ushqimeve të kripura: Studimet tregojnë se dëshira për ushqimet e kripura rritet kur dispnimi bie, kështu që ngrënia e patateve të skuqura është vetëm një përpjekje për ta përmirësuar disponimin.
Mënyra e shmangies: Vitamina C (e cila gjendet në agrumet e frutave dhe perimet e gjelbra) dhe kaliumi (i fiqit dhe rrushit të thatë) mund t’ju ndihmojnë shumë në lidhje me këtë pasojë e cila lind si rezultat i jetesës së shpejtë.
Shkrihen pas ushqimeve pikante: Ndoshta, keni mungesë zinku në organizëm. Kjo krijon ndjenjën e lodhjes dhe letargjisë, kështu që në momente të tilla keni dëshirë të madhe për ushqime pikante.
Mënyra e shmangies: Sigurohuni që të hani çdo tre orë, duke përfshirë shumë proteina, siç janë frutat e thata, farat dhe galete nga orizi me gjalpë kikirikash.
Shkrihen pas kafeinës: Ndoshta, jeni të lodhur, të mërzitur ose thjesht e keni mësuar organizmin me një dozë të caktuar kafeine. Nëse pini kafe kur jeni të stresuar, mbani në mend faktin se në këtë mënyrë vetëm e përkeqëson situatën.
Mënyra e shmangies: Për të rritur nivelin e energjisë nuk ju duhet kafeja. Ndjenja e lodhjes shpesh është shenjë e dehidrimit. Një gotë ujë do të jetë shumë më e dobishme për ju edhe atë për një kohë të gjatë.
Shkrihen pas ëmbëlsirave: Ndoshta, ju jeni të stresuar. Sipas hulumtimeve, nevoja për sheqer është mënyra kur organizmi përpiqet të trajtojë presionin intenziv.
Mënyra e shmangies: Dilni për shëtitje. Studimet tregojnë se shëtitja e lehtë prej 15 minutash mund të zvogëlojë dëshirën për ëmbëlsira. Stërvitja i balancon neurotransmetuesit në tru dhe e rrit nivelin e serotoninës (hormoni përgjegjës për ndjenjën e relaksimit, optimizmit dhe lumturisë), me këtë e largoni stresin shkak i të cilit dëshironi një copë çokollate.
Shkrihen pas pastave: Ndoshta nuk jeni në disponim ose jeni në PMS. Derisa jeni të lodhur ose pa disponim niveli i serotoninës bie dhe si pasojë e mangësisë së këtij hormoni, organizmi përpiqet ta kompensojë atë nëpërmjet karbohidrateve.
Mënyra e shmangies: Hani pasta intergrale dhe ushqime me indeks te ulët glikemik, siç janë patatet e ëmbla dhe kungulli. Ky ushqim siguron rritje më të ulët të nivelit të sheqerit në gjak dhe lehtësisht tretet, duke i siguruar organizmit më shumë energji për një kohë më të gjatë.
