Menisku i këputur (çarë) është një nga dëmtimet më të zakonshme të gjurit. Çdo aktivitet që ju bën të përdridhni gjurin tuaj me forcë, veçanërisht kur vendosni të gjithë peshën tuaj mbi të, mund të çojë në një këputje të saj.
Secili nga gjunjët tuaj ka dy pjesë kërci në formë C që veprojnë si një jastëk midis tibisë dhe femurit tuaj. Menisku i këputur shkakton dhimbje, ënjtje dhe ngurtësi. Ju gjithashtu mund të ndjeni se lëvizja e gjurit është e bllokuar dhe keni probleme me zgjatjen e plotë të gjurit.
Trajtimi konservativ – si pushimi, akulli dhe mjekimi – ndonjëherë është i mjaftueshëm për të lehtësuar dhimbjen e një miniskusi të këputur dhe për t’i dhënë kohë lëndimit të shërohet vetë. Megjithatë, në raste të tjera, një menisk i këputur kërkon trajtim kirurgjik.
Simptomat
Nëse e keni këputur meniskun, mund t’ju duhen 24 orë ose më shumë që të fillojë dhimbja dhe ënjtja, veçanërisht nëse këputja është e vogël. Ju mund të zhvillohen shenjat dhe simptomat e mëposhtme në gjurin tuaj:
Ndjesia e shpërthimit
Ënjtje ose ngurtësi
Dhimbje, veçanërisht kur rrotulloni gjurin
Vështirësi në drejtimin e plotë të gjurit
Një ndjenjë sikur gjuri juaj është ngurtësuar kur përpiqeni ta lëvizni
Ndjesia e lëshimit së gjurit
Kur duhet të shkoni tek mjeku
Kontaktoni mjekun tuaj nëse keni dhimbje gjuri apo është i fryrë, ose nëse nuk mund ta lëvizni gjurin në mënyrat si zakonisht.
Shkaqet
Menisku i këputur (çarë) është një nga dëmtimet më të zakonshme të gjurit. Çdo aktivitet që ju bën të shtrembëroni (përdredhni) apo përkulni gjurin tuaj me forcë, veçanërisht kur vendosni të gjithë peshën tuaj mbi të, mund të çojë në një këputje të saj. Edhe përkulja, ulja ose ngritja e diçkaje të rëndë ndonjëherë mund të çojë në këputjen, (çarjen) e saj.
Tek personat e moshuar, ndryshimet degjenerative në gjunj mund të asocojnë në një minisk të këputur (çarë) me pak ose aspak traumë.
Faktorët e rrezikut
Aktivitetet që përfshijnë një pozitë të shtrembër dhe të përkulur të gjurit ju vënë në rrezik për një këputje të saj. Rreziku është veçanërisht i lartë për atletët – veçanërisht ata që marrin pjesë në sporte kontakti, si futbolli, ose aktivitete që përfshijnë rrotullim, si tenisi ose basketbolli.
Konsumimi i indit që gjendet në gjunjë, me kalimin e moshës rrit rrezikun e një menisku të këputur, (çarë). Ngjashëm edhe obeziteti.
Komplikimet
Një menisk i këputur (çarë) mund të çojë në një ndjenjë të lëshimit të gjurit, një paaftësi për të lëvizur gjurin siç do ta bënit normalisht ose dhimbje të vazhdueshme në gju. Mund të keni më shumë gjasa të zhvilloni osteoartrit në gjurin e dëmtuar.
Përktheu dhe përshtati:S.N
