Nëse kollitemi për një kohë, shumë prej nesh do të dyshojnë për koronavirusin dhe mund të mos shkojnë për analiza të mëtejshme, të cilat mund të jenë vendimtare në zbulimin e hershëm të kancerit të mushkërive. Domethënë, gjatë pandemisë me COVID-19, fokusi është te simptomat e sëmundjeve të frymëmarrjes dhe për shumë është bërë e vështirë të dallojnë një kollë “normale” nga një “vdekjeprurëse” që mund të tregojë kancer në mushkëri. Fatkeqësisht, kanceri i mushkërive ka një shkallë të lartë vdekshmërie.
Nëse keni këto simptoma, kontaktoni mjekun tuaj amë:
- gulçim i vazhdueshëm
- kollitje me gjak
- kollë që zgjat tre javë.
Simptoma të tjera të zakonshme të kancerit të mushkërive përfshijnë:
- ënjtjen e fytyrës
- infeksionet e shpeshta
- mpiksjen e gjakut
- nivel anormal të lartë të kalciumit.
Mos supozoni se është diçka tjetër, megjithëse mund të mos jetë kanceri i mushkërive, është e rëndësishme të kontrolloni për shkaqet. Nëse është kancer dhe kapet herët, keni shans të madh për të zgjatur jetën tuaj, paralajmërojnë mjekët.
“Identifikimi dhe diagnostikimi i kancerit në fazat më të hershme është mënyra më efektive për të kufizuar përhapjen e tij, për ta vënë atë në remision dhe për të rritur shanset për mbijetesë”, theksojnë mjekët britanikë. Pandemia e COVID-19 ka reduktuar vizitat te mjeku dhe zbulimin e hershëm të kancerit pothuajse kudo në botë.
