Njerëzit që janë pozitivë për koronavirusin e ri SARS-CoV-2 në pesë ditët e para pas zhvillimit të simptomave të para do të jenë më infektues dhe kështu do të transmetojnë virusin te të tjerët më shpejt, konfirmoi studim i ri i botuar në revistën Lancet. Prandaj, izolimi është i nevojshëm sa më shpejt të jetë e mundur.
Nga ana tjetër, njerëzit që janë asimptomatikë mund ta nxjerrin virusin nga trupi më shpejt, kështu që ata janë ngjitës për një periudhë më të shkurtër kohe krahasuar me ata që kanë simptoma më të rënda.
Studiuesit krahasuan gjetjet e tyre me COVID-19 me dy lloje të tjerë të koronavirusit për të kuptuar më mirë pse COVID-19 po përhapet kaq shpejt.
Ata zbuluan se ngarkesa virale (sasia e virusit të zbuluar në trup nëpër faza të ndryshme të infeksionit) të SARS-CoV-2 (virusi që shkakton COVID-19) arriti kulmin në rrugët e sipërme të frymëmarrjes në fillim të sëmundjes, midis shfaqjes së simptomave dhe ditën e pestë.
Si kujtesë, simptomat më të zakonshme të koronavirusit janë temperatura e lartë, kolla e thatë dhe lodhja. Simptomat përfshijnë humbjen e ndjenjë së nuhatjes dhe shijes, dhimbje fyti, diarre, dhimbje koke, ndërsa simptomat më serioze janë gulçimi, dhimbje gjoksi dhe vështirësi në të folur dhe në lëvizje.
