Lija e majunit është sëmundje e rrallë e shkaktuar nga një virus. Ata i përkasin kategorisë së viruseve si dhe fruthit, megjithëse lija e majmunit shkakton sëmundje shumë më pak të rënda. Është zoonozë virale, që do të thotë se transmetohet nga kafshët te njerëzit dhe më pas nga njeriu në njeri.
SI MUND TË INFEKTOHENI?
Lija e majmunit përhapet me kontakt të ngushtë. Sipas Qendrës amerikane për kontrollin dhe parandalimin e sëmundjeve (CDC), kjo do të thotë se ato mund të transmetohen përmes lëkurës së dëmtuar, rrugëve të frymëmarrjes ose mukozave, si sytë, hundën ose gojën. Mënyrat më të zakonshme të infektimit nga lija e majmunit janë:
- Përmes pikave të mëdha respiratore. “Pikat nga rrugët respiratore në përgjithësi nuk mund të udhëtojnë më shumë se disa metra, kështu që kërkohet kontakt i zgjatur ballë për ballë,” thuhet nga CDC.
- Kontakti i drejtpërdrejtë me lëngjet e trupit ose lezionet.
- Kontakti me veshjet ose shtratin e kontaminuar.
CDC paralajmëroi javën e kaluar se ndërsa çdokush mund të sëmuret nga lija e majmunit, sëmundja po përhapet globalisht midis homoseksualëve dhe meshkujve biseksualë. Por lija e majmunit nuk është një sëmundje seksualisht e transmetueshme.
“Çdokush mund të transmetojë lijën e majmunit nëpërmjet kontaktit me lëngjet trupore, plagët ose pikat e frymëmarrjes kur ata janë pranë dikujt”, thekson Dr. John Brooks, shefi mjekësor në Njësinë e Parandalimit të HIV / AIDS të CDC.
Personat zyrtar thonë se rreziku i përgjithshëm i prekjes nga lija e majmunit është i ulët.
SIMPTOMAT E LIJES SË MAJMUNIT
Njerëzit me lijen e majmunit mund të kenë ethe ose ënjtje të nyjeve limfatike. Dhimbjet e kokës, rraskapitja dhe dhimbjet e muskujve janë gjithashtu të zakonshme.
Një nga shenjat karakteristike të infeksionit është skuqja e lëkurës në fytyrë ose trupi që kthehet në nyje të fryra që bëhen flluska.
Një person me lijen e majmunit konsiderohet të jetë më infektiv gjatë kohës që ka skuqje. Sëmundja mund të zgjasë dy deri në katër javë, ndërsa shumica e njerëzve shërohen pa trajtim. Periudha e inkubacionit mund të jetë nga shtatë deri në 14 ditë, sipas CDC.
Gjithashtu, një person me lijen e majmunit mund të jetë infektiv për të tjerët nga një ditë para shfaqjes së skuqjes deri në 21 ditë pas fillimit të simptomave.
