SHKENCËTARËT PARALAJMËROJNË SE MUND TË ZGJASIN PËR DISA MUAJ: Këto janë efektet anësore më të zakonshme edhe pas rikuperimit nga COVID-19

Shkencëtarët thonë se rezultate të tilla të hulumtimit tregojnë për një nevojë të shtuar për të monitoruar pacientët edhe pas daljes nga spitali.

Një studim i pacientëve në Wuhan, të cilët u shtruan në spital në janar të vitit të kaluar, zbuloi se lodhja, depresioni dhe problemet me gjumin mund të jenë të pranishme te pacientët me COVID-19 për muaj pasi ishin lëshuar nga spitali me rezultat negativ.

ANKTHI DHE DEPRESIONI

Simptomat e koronavirusit përfshijnë depresionin dhe problemet me funksionimin e organeve të ndryshme, të cilat mund të vazhdojnë për muaj pas infeksionit fillestar, ka zbuluar studimi i ri nga shkencëtarët kinezë. Gjashtëdhjetë e tre përqind e 1 733 pacientëve të pranuar në spitalin Jin Yin-Tan në Wuhan në fillim të pandemisë në janar 2020, ende ndiheshin të lodhur në maj po të atij viti.

Nga këto, 26 përqind kishin probleme me gjumin, ndërsa një e treta e të anketuarve kishin simptoma të çrregullimeve të veshkave, përfshirë depozitimin e materieme të panevojshme në gjak.
Dr. Chao Bin nga Spitali Japan Friendship në Pekin paralajmëron se rezultate të tilla të hulumtimit tregojnë për një nevojë në rritje për të monitoruar pacientët pas lëshimit nga spitali. Hulumtimi gjithashtu thekson nivelin e ulët të antitrupave tek të anketuarit, që do të thotë se sistemi imunitar do të jetë në gjendje të parandalojë ri-infektimin vetëm për një kohë të shkurtër. 

Sipas revistës shkencore Lancet, Dr. Chao Bin thotë se nevojiten kërkime afatgjate mbi një numër të madh pacientësh për të marrë pamje të plotë të pasojave shëndetësore të COVID-19.

“Analiza jonë e deritanishme tregon se shumica e pacientëve vazhdojnë të jetojnë me të paktën një pasojë të virusit pas daljes nga spitali, duke treguar një nevojë të shtuar për të monitoruar pacientët edhe pas lëshimit nga spitali”, tha Dr. Bean.

Sa i përket antitrupave, ai thotë se pacientë të tillë janë në rrezik të lartë të ri-infektimit dhe për këtë arsye duhet të monitorohen, duke shtuar se një e katërta e të anketuarve vuanin nga depresioni dhe ankthi pothuajse gjysmë viti pasi u pranuan në spital.

ARTIKUJ TË NGJASHËMMË SHUMË NGA AUTORI