Асс. д-р Илбер Бесими: ПРЕПОЗНАВАЊЕ И ТРЕТМАН – Како да се намалат отоците и компликациите при воспаление на жолчното ќесе

Третманот во акутна фаза бара ослободување од болка, третман на инфекцијата, намалување на отокот на жолчните патишта, пакреатичните патишта и подобрување на општата состојба.

Пишува: Асс. д-р Илбер Бесими
Субспецијалист трауматолог

Кај повеќе од 90% од пациентите со акутен холецистит или акутно воспаление на жолчното ќесе се работи за опструкција на жолчното ќесе во пределот на вратот или цистичниот канал најчесто под влијание на жолчни камења, но истите може и да отсуствуваат.

Резултатот од опструкција се манифестира со зголемување на интралуминалниот притисок, исхемија на ѕидот на жолчното ќесе и жолчна стаза.

Клиничките манифестации се варијабилни, во зависност од интензитетот на воспалението, присутната билијарна опструкција и перитонеалната реакција или дразба.

Бактериската инфекција е секундарна, обично грам-негативни бактерии од потекло од дигестивниот тракт. Кај помалку од 10% од пациентите со акутна инфламација, тие се предизвикани од други агенси – директна траума на билијарниот тракт, торзија на жолчното кесе и извртување на васкуларното стебло по хируршка интервенција на стомачните органи, компресија или оклузија на цистични лимфни јазли, едематозен панкреатит.

КЛИНИЧКА СЛИКА

Клиничките манифестации се варијабилни, во зависност од интензитетот на воспалението, присутната билијарна опструкција и перитонеалната реакција или дразба.

Најчесто започнува ненадејно со типична билијарна болка, обично 3-5 часа по масен оброк, заедно со мачнина и повраќање. Болката е силна но тапа во горниот абдомен, со минимални осцилации во интензитет. Може да се локализира на десната страна на стомакот и да се прошири кон десната скапула, рамо, или ‘рбетот. Болката се зголемува со дишење, движење и длабоко кашлање. Ikterus – жолтило (жолта кожа и видливи слузокожи) ретко е присутно и е краткотрајно.

Најчесто започнува ненадејно со типична билијарна болка, обично 3-5 часа по масен оброк, заедно со мачнина и повраќање.

КОМПЛИКАЦИИ

Хидропс на жолчното ќесе, стеноза на одиев сфинктер кој би довел до билијарен панкреатит и Ikterus – жолтило, сепса, при перфорација билијарна перитонитис (воспаление на перитонеумот), билијарен илеус.

ДИЈАГНОЗА

Дијагнозата се поставува врз основа на клиничка слика, лабораториски анализи (седиментација, леукоцитоза, зголемена алкална фосфатаза, гама GT), ултразвук, поретко со ЦТ и МРИ.

Бактериската инфекција е секундарна, обично грам-негативни бактерии од потекло од дигестивниот тракт.

ТРЕТМАН

Третманот во акутна фаза бара ослободување од болка, третман на инфекцијата, намалување на отокот на жолчните патишта, пакреатичните патишта и подобрување на општата состојба.

Намалувањето на болка се постигнува со примена на аналгетици. Антибиотиците пак ги лекуваат инфекциите и секако клучно во третманот е вклучувањето на трипсин-химотрипсин (Chymoral) што доведува до намалување на отоците интраабдоминално и ги спречува компликациите. По смирување на акутната фаза, индициран е хируршки третман. Хируршки третман во акутна фаза е редок избор но секако се препорачува гореспоменатата терапија со вклучен Chymoral. Методот на избор е холецистектомија (отстранување на жолчниот меур). Како оперативна текника може да се искористат класична или лапароскопска холецистектомија.