Д-р Васко В. Хаџиев: Зошто ХРОМОТ е важен за метаболизамот на  jаглехидратите, липидите и протеините?

Се поголем број на научни студии започнуваат да го истакнуваат круцијалното значење на хромот кај одредени заболувања кои се тесно поврзани со негов недостиг, како прекумерна телесна тежина - метаболен синдром, дијабетес и кардиоваскуларни заболувања, особено по прележување на срцев инфаркт, кои всушност се најчестите заболувања на денешницата.

Пишува: Д-р Васко В. Хаџиев
специјалист по интерна медицина

Хромот е есенцијален минерал, широко присутен во природата, но во човечкото тело се присутни само мали количини. Како и останатите олигоелементи, во оптимални количини, тровалентниот хром, кој е биолошки активен, е значаен за нормално функционирање на човечкиот организам, особено значаен за оптимален метаболизам на јаглехидратите, липидите и протеините.

Се поголем број на научни студии започнуваат да го истакнуваат круцијалното значење на хромот кај одредени заболувања кои се тесно поврзани со негов недостиг, како прекумерна телесна тежина – метаболен синдром, дијабетес и кардиоваскуларни заболувања, особено по прележување на срцев инфаркт, кои всушност се најчестите заболувања на денешницата.

Диетално присутво на хром постои во одредени прехрамбени производи како брокула, грашок, лук, босилек, компир, јаткасти плодови и житарки,говедско месо, јаболка, банана и грозје.

За оптимална апсорпција во телото важен е добар желудочен ацидитет.

Се смета дека во просек за здрава популација, минимален дневен внес за мажи изнесува околу 35 микрограми/ден, а за жени 25 микрограми на ден. Сепак кај голем број на индивидуи кои практикуваат неизбалансирана исхрана неговиот внес е субоптимален.

  • Се чини дека хромот има клучна улога во оптимализација на гликозата во крвта преку подобрувње на инсулинската искористеност (влијание на инсулинските рецептори) како и влијанието врз Факторот за толеранција на гликозата (GTF) подобрувајќи ја инсулинската резистентност.
  • Исто така има поволно влијае и на нивоите на добриот холестерол (HDL) како и на подобрување на метаболизмот на ниво на мускули и мускулна маса.
ХРОМОТ е значаен за нормално функционирање на човечкиот организам, особено значаен за оптимален метаболизам на јаглехидратите, липидите и протеините.

Токму овие метаболни компоненти и нивниот дисбаланс се клучни за појавата на предвремени кардиоваскуларни заболувања и дијабетес тип 2 во корелација со метаболен синдром како заеднички причинител.

Најголем бенефит од примената на Хром би имале лицата со негов дефицит или зголемена потреба (над 100 микрограми/ден) како дијабетес, предијабетес и нарушена гликемија на гладно, лица со обезитас и метаболен синдром,  дислипидемии и повисок кардиоваскуларен ризик, лица со прележан срцев удар, особено во акутната фаза, спортисти и лица кои се со нарушена исхрана (субоптимален внес на хром).

Како и за сите олигоелементи, важи правилото за правилна употреба на хромот во корелација и следење од стручно медицинско лице.