Интервју со проф. д-р Ѓорѓи Оровчанец: Несоодветно и ненавремено третирање на опструкцијата на носот може да предизвика сериозни компликации, особено кај новороденчињата

Назалната или носна конгестија е состојба со која се соочуваат многу возрани лица, но е честа и кај децата. Проф. д-р Ѓорѓи Оровчанец, специјалист оториноларинголог, одговара за тоа што претставува опструкцијата на носот, кои се најчестите причини за нејзино појавување и како се лекува.

Пишува: Александра Стојановска
saska@panacea.mk

ikonaШто е всушност назална конгестија или опструкација на носот?

Проф. д-р Оровчанец: Назална конгестија, позната уште и како блокада или опструкција на носот е всусшност блокада на носните патишта. Најчесто слузокожната мембрана станува едематозна или отечена заради воспаление на крвните садови. На овој начин можеме општо да ја дефинираме конгестијата, но сепак е многу специфична состојба за која е неопходно навремен и соодветен третман.

ikonaШто ја предизвикуваа оваа состојба?

Проф. д-р Оровчанец: Причините за настанување на назалната конгестија може да варираат од благи препреки па се до живот загрозувачки состојби. Особено треба да се внимава кај новороденчињата. Доколку е опструирано  дишењето на нос во првите неколку месеци тоа  влијае на доењето и во одредени околности предизвикува по живот опасен респраторен дистрес.

Вирусната и алергиската етиологија  е најчесто застапена како причина за настанување на назална конгестија.

Конгестија може да биде предизвикана и од сув и загаден воздух. Поретко се јавува акутен синузитис како причина, а уште поретко е присуство на страно тело и тоа најчесто во детска возраст.

ikonaШто подразбира лекувањето на опструкцијата на носот?

  • Анамнезата е многу важен фактор за прецизна и точна дијагноза.
  • Клиничкиот преглед е насочен кон носот, грлото и подрачето на синусите.

Терапијата треба да биде соодветна на причината. Симптоматското ублажување на симптомите може да се постигне со локални деконгестиви или со системски препарати кои содржат антихистаминик. Доколку се работи за алергиска етиологија, и препарати на база на псеудоефедрин и ибупрофен.

  • Псеудоефедринот е деконгестив кој овозможува вазоконстрикција на крвните садови на слузницата на носот и на тој начин овозможува подобра проодност.
  • Ибупрофенот е нестероиден антиинфламаторен лек НСАИЛ кој ја намалува болката, ја снижува температурата и ги отстранува знаците на воспаление.

ikonaМоже ли да се јават некакви компликации доколку носната конгестија не се третира на време?

Проф. д-р Оровчанец: Назалната конгестија кај постари деца и адолесценти е само симптоматска пречка, но несоодветно и ненавремено третирање може да предизвика други компликации. Носната конгестија може да се интерферира со ушите, слухот и во развој на говорот. Предизвикува ‘рчење, а може да биде поврзана и со апнеа за време на спиење. Кај пациенти со зголемени аденоиди може да предизвика и хронична апнеа, недостаток на кислород и хипоксија, како и срцева слабост. Болка во лицевиот предел, главоболка и постојана нелагодност се исто така симптоми на нетретирана назална конгестија.