Проф. д-р Нетковски: Како брзо и правилно да се излечи болката во грлото?

Најчесто се работи за вирусна инфекција и претставува една од најзастапенитегорно-респираторни инфекции заради што пациентите се јавуваат на лекар.

Болка во грлото претставува чест симптом при воспалителна реакција на слузницата и лимфното ткиво во подрачјето на ждрелото (pharyngitis/tonsillopharyngitis). Најчесто се работи за вирусна инфекција и претставува една од најзастапените горно-респираторни инфекции заради што пациентите се јавуваат на лекар.

пишува: Проф. д-р Јане Нетковски, Универзитетска Клиника за уво, нос и грло – Медицински факултет, Скопје

Клиничката слика, односно симптомите се разликуваат во зависност од тоа дали воспалението е предизвикано од вируси или бактерии, а од тоа ќе зависи и начинот на лекувањето.

Вирусната инфекција обично трае 2-3 дена и се одликува со слабо изразени знаци и симптоми во смисла на црвенило и оток на слузницата на ждрелото, како и присутно болно и отежнато голтање од лесен степен. Пропратена е со сува, надразнителна кашлица и често се развива во настинка со течење на нос, кивавица и/или солзење на очите. Обично не е проследена со покачена телесна температура. Карактристично е дека после првите неколку дена симптомите се смируваат додка кашлицата може да потрае и десетина дена. Самата болка во грло не подразбира автоматска употреба на антибиотици. Во лекувањето доволна е само симптоматска терапија со употреба на големи количини топли напитоци, инхалација, одмор и смирување на кашлицата, а се со цел да се овозможи побрзо заздравување на слузницата на ждрелото. Во склоп на терапијата од непроценливо значење е употребата на ориблети Пантенол со витамин Ц, кои поседуваат силен локален терапевтски ефект со цел ублажување на тегобите и стимулирање на регенеративните процеси кај оштетената и заболена слузокожа во ждрелото, во усната празнина, јазикот и гингивите. Ориблетите во својот состав содржат калциумова сол на пантотенска киселина и витамин Ц. Пантотенската киселина, понекогаш означувана и како витамин В5, влегува во состав на коензим А, неопходен за правилен метаболизам на јаглените хидрати, мастите и белковините, а истовремено е одговорен за неутрализирање на штетното дејство на некои метаболички производи. Витамин Ц претставува најважен антиоксидант кој учествува во голем број оксидо-редуктивни процеси во организмот и во процесот на создавање колаген и други делови на сврзното ткиво. Со еден збор ориблетите Пантенол со витаминЦ се есенцијални хранливи состојки за правилно функциорање на здравата слузокожа.

Бактериското воспаление се карактеризира со умерено и силно изразени знаци и симптоми како интензивно црвенило на слузницата и лимфното ткиво во подрачјето на ждрелото и болка и тешкотии при голтање од тежок степен. Телесната температура е покачена, а присутни се отечени и болни лимфни јазли на вратот. Кај бактериската инфекција неопходна е употреба на антибиотик посебно во случаите кога предизвикувач е бета хемолитичен стрептокок од групата А (пиоген стрептокок) односно кога е присутна клиничка слика на потешка стрептококна инфекција. Ориблетите Пантенол со витамин Ц во тој случај претставуваат додаток на антибиотската терапија  со цел побрза и поефикасна обнова на слузницата.