Për të luftuar alergjitë e ndryshme ka shumë mënyra. Nëse vuani prej tyre, mjeku juaj i përgjithshëm ndoshta ju ka përshkruar tashmë terapi steroide ose sugjeron imunoterapi të përshtatshme. Ndoshta farmacisti ka rekomanduar antihistamine. Po sikur t’ju thoshim se natyra ka siguruar ilaçe që ju ndihmojnë? Ne ju sjellim pesë preparatet më të mira, secila prej të cilave është dëshmuar se është një ilaç i shkëlqyer kundër alergjisë ndaj polenit dhe çdokush mund t’i bëjë vetë.
1. Avullimi (inhalimi) me vajra esencialë
Hunda e zënë dhe frymëmarrja e rënduar janë dy nga shenjat më të shpeshta të alergjisë nga poleni dhe një nga kurat më të mira shtëpiake për alergjitë është pastrimi me avull. Shtimi i vajrave esenciale mund të përmirësojë efektin e tij, ndërsa barishtet pastrojnë më tej të gjitha kanalet. Vajrat e eukaliptit dhe livandës janë jashtëzakonisht të njohura, dhe për të provuar përfitimet e tyre, mjafton të shtoni disa pika në ujin e nxehtë që avulloheni. Ju gjithashtu mund të vendosni disa pika vaj në një pecetë, të cilën më pas do ta afroni në hundë.
2. Mjaltë shtëpie
Shumica besojnë se konsumimi i dy lugë gjelle mjaltë shtëpiake në ditë redukton ndjeshmërinë e trupit ndaj polenit lokal. Alergjitë mund ti përkasin të kaluarës me këtë ilaç natyral, ndaj ia vlen ta provoni. Duhet mbajtur mend se ky parandalim është efektiv nëse praktikohet deri në tre muaj para sezonit të lulëzimit. Mjalti është një aleat dhe ilaç ideal kundër alergjive ndaj polenit.
3. Probiotikët
Hulumtimet nga Instituti i Kërkimeve të Ushqyerjes kanë gjetur të ashtuquajturat baktere të mira që gjenden në probiotikë për të ndihmuar në ndërtimin e imunitetit dhe krijimin e rezistencës ndaj polenit të barit. Gjithashtu në hulumtimet u zbulua se ata që pinin qumësht me probiotiku, Lactobacillus casei, zhvilluan një imunitet të ekuilibruar.
Edhe pse ka ushqime të tjera të pasura me këto baktere të mira (si p.sh. kosi organik), probiotikët më së shpeshti rekomandohen si një shtesë diete.
4. Ushqimi që përmban përbërës anti-inflamator dhe antihistaminik
Nëse dëshironi të shmangni antihistaminet në formë tabletash dhe t’i fusni ato në organizëm nëpërmjet ushqimit, duhet të konsumoni ushqimet e mëposhtme që jo vetëm që do t’ju forcojnë imunitetin, por edhe do të ulin shumë reaksionet alergjike:
Xhenxhefil
Kurkuma
Hudhër
Rikë
Portokallet
Kivi
Ananasi
Speca chilli
Lista e ushqimeve që veprojnë si ilaç kundër alergjive është zgjidhur. Po sikur t’ju themi se çaji është një nga ilaçet?
5. Çajra bimorë
Shafrani i Indisë dhe xhenxhefili janë në krye të listës së ushqimeve që duhet të konsumoni dhe me kombinimin e tyre është zbuluar një ilaç i veçantë kundër alergjisë ndaj polenit. Këto erëza të forta ndihmojnë në stimulimin e trupit. Gjithçka që duhet të bëni është të grini xhenxhefilin në ujë të nxehtë dhe të shtoni kukurminin dhe të provoni çajin e nxehtë. Alergjia ndaj polenit nuk do të jetë më armiku juaj. Nëse dëshironi të provoni shije të tjera, provoni këta përbërës:
Mëllaga e bardhë. Qetëson fytin dhe çliron mukozën, ku më pas do të kolliteni më lehtë
Nenexhik. Redukton kongjestionin e hundës dhe presionin në kokë.
Hithra. Redukton sasinë e histaminës në trup.
Kamomili. Antihistaminik natyral, e pasur me përbërës anti-inflamator.
Me gjithë këto ilaçe natyrale dhe shtëpiake për alergjitë ndaj polenit, simptomat pa dyshim do të zhduken.
Përktheu dhe përshtati:S.N
