Shumë gra shpesh ngatërrohen dhe besojnë se testet gjinekologjike janë të njëjta me Pap-testin. Nëse jeni një prej tyre, lexoni dhe mësoni më shumë rreth ndryshimeve. Këto janë dallimet, por edhe shpjegimet se për çfarë shërbejnë testet gjinekologjike dhe për çfarë shërben Pap testi.
Çfarë është Pap Testi dhe për çfarë shërben?
Pap testi është një procedurë e shkurtër, si pjesë e një ekzaminimi rutinë gjinekologjik, në të cilin qelizat mblidhen nga qafa e mitrës (pjesa e poshtme dhe e ngushtë e mitrës) në majë të vaginës. Qëllimi i tij është zbulimi i hershëm i ndryshimeve premalinje dhe kanceri i qafës së mitrës tek gratë. Zbulimi i hershëm i kancerit të qafës së mitrës rrit shanset për shërim dhe është hapi i parë në ndalimin e zhvillimit të mundshëm të kancerit të qafës së mitrës.
Çfarë janë strishot gjinekologjike dhe për çfarë shërbejnë?
Strisho nga qafa e mitrës, pra cervikusi, është një ekzaminim gjinekologjik që vërteton një infeksion të sistemit riprodhues të femrës. Ekzaminimin e kryen gjinekologu duke rrotulluar tamponin për disa sekonda deri në një centimetër në kanalin endocervikal.
Strisho nga uretra ose trakti urinar është një test që përdoret për të vërtetuar një infeksion të traktit gjenital në uretrën ose organet gjenitale. Është i rëndësishëm në diagnostikimin e infeksionit HPV, gonorresë dhe klamidias. Ekzaminimin e kryen gjinekologu duke futur një shkop pambuku deri në 3 centimetra në uretër dhe duke e rrotulluar ngadalë dhe shkurt.
Më shpesh, gjinekologu juaj do t’ju referojë për një test nëse rezultatet e Pap-testit tregojnë qeliza jonormale ose atipike, nëse keni kruajtje ose rritje të sekrecioneve me një erë ose pamje të ndryshuar. Sidomos nëse pasi të keni marrë terapinë, bakteret përsëri kthehen. Ose nëse jeni duke planifikuar një shtatzëni. Duke qenë se sëmundjet infektive janë një nga shkaqet kryesore të infertilitetit sot, është shumë e rëndësishme të bëhen diagnoza në kohë. Sigurisht, do të ishte mirë të bëni strishot nëse nuk e keni bërë tashmë.
Testet e qafës së mitrës mund të përdoren për të vërtetuar:
- Infeksion me klamidia,
- Infeksioni me HPV (human papillomavirus),
- Mikoplazma dhe ureaplazma gjenitale (Ureaplasma urealyticum dhe parvum, Mycoplasma hominis dhe Mycoplasma genitalium), Gardnerella vaginalis,
- Herpes gjenital,
- Gonorrea,
- Sifilizi,
- Infeksionet mykotike.
