Meta-analiza përfshiu të gjitha të dhënat ekzistuese mbi studimet gjenetike që u fokusuan në sulmin ishemik të trurit, që shfaqet tek njerëzit më të rinj se 60 vjeç.
Numri i të rinjve që kanë pësuar sulm në tru po rritet, ndërsa ata do të vdesin më herët si rezultat i sulmit, ndërsa të mbijetuarit do të luftojnë me pasoja të rënda, përvec kësaj, po bëhen shumë pak hulumtime, sipas Dr. Stevens Kittner, profesor i neurologjisë.
Ai dhe kolegët kryen një meta-analizë të 48 studimeve mbi gjenetikën dhe sulmin ishemik në më shumë se 17 000 pacientë me sulm në tru dhe 600 000 pacientë plotësisht të shëndetshëm. Ata shikuan kromozomet për të gjetur variantin gjenetik të lidhur me sulmin në tru para viteve 60 dhe kromozomet që përfshijnë gjenet që përcaktojnë grupin tuaj të gjakut.
U zbulua se njerëzit që kishin sulm në një moshë më të re kishin më shumë gjasa të kishin grupin e gjakut A, ndërsa ata me grupin e gjakut O kishin më pak të ngjarë të kishin një të tillë – krahasuar me ata që kishin pasur sulm në tru dhe ata që nuk kishin pasur kurrë një të tillë. Sulmi në tru që ndodh në një moshë më të hershme dhe të mëvonshme lidhet me grupin e gjakut B.
Pas kontrollit për faktorë të tjerë, si gjinia, ata zbuluan se ata me grupin e gjakut A kishin 16 për qind më shumë gjasa për të pasur sulm në një moshë më të hershme. Njerëzit me grupin e gjakut 0 kanë gjasa 12 për qind më pak për të pasur sulm se të gjitha llojet e tjera të gjakut.
“Meta-analiza jonë gjurmoi profilin gjenetik dhe gjeti një lidhje midis grupit të gjakut dhe sulmit në një moshë më të hershme, e cila është shumë më e vogël kur ndodh në një moshë më të vonshme”, thanë autorët e studimit.
Shkencëtarët theksojnë se rreziku i rritur në fakt nuk është aq i madh dhe se njerëzit me grupin e gjakut A nuk duhet të kenë frikë nga sulmi në tru edhe në moshë më të re dhe nuk kanë nevojë të planifikojnë ekzaminime të mëtejshme për t’u siguruar që gjithçka është ashtu siç duhet.
“Ne ende nuk e dimë pse grupi i gjakut A nënkupton rrezik më të lartë, por ndoshta ka të bëjë me faktorët e koagulimit të gjakut, si dhe proteinat, që luajnë rol të rëndësishëm në zhvillimin e mpiksjes së gjakut”, shtuan autorët. Hulumtimet e mëparshme kanë zbuluar gjithashtu se njerëzit me grupin A të gjakut kanë rrezik pak më të lartë të zhvillimit të mpiksjes së gjakut në këmbë, të quajtur trombozë e venave të thella. Ata arrijnë në përfundimin se nevojiten më shumë kërkime për të sqaruar mekanizmat e rritjes së rrezikut të sulmit në tru.
