Carly Came, edhe pse u rivaksinua, vuri re se kishte humbur ndjenjën e nuhatjes dhe shijes. Kur kujtoi ngjarjet, ajo kuptoi se për ditë para fillimit të këtyre simptomave ndihej shumë e lodhur, ndërsa simptoma shtesë e siguruan atë se nuk ishte një ftohje e zakonshme. Vaksinat thuhet se janë shumë efektive në parandalimin e simptomave serioze, por asnjë vaksinë nuk është 100 për qind efektive”, tha Dr. Lisa Adams, dekane e Universitetit të Dartmouth.
Ne e dimë se ka dhe do të ketë raste të infeksionit tek individët e vaksinuar, por tani jemi në një situatë ku shumë pak viruse janë në qarkullim. Gjithashtu, tek ata njerëz forma e sëmundjes do të jetë e lehtë, shtoi ajo.
VAKSINAT EKZISTOJNË PËR TË PARANDALUAR HOSPITALIZIMIN DHE VDEKSHMËRINË
Dr. Rochelle Valensky, drejtoresha e Qendrës për Kontrollin e Sëmundjeve, tha se të dhënat e reja treguan se 99.5% e vdekjeve ndodhën tek njerëzit që nuk ishin vaksinuar. Nga 157 milion njerëz të vaksinuar, vetëm 733 kanë vdekur. Rreth 75% e infeksioneve të reja ndodhin tek njerëzit mbi 65 vjeç.
“Qëllimi i vaksinës është t’ju mbrojë nga shtrimi dhe vdekja. Nëse keni infeksion të lehtë, nuk është e frikshme”, tha Paul Ofit, drejtor i Spitalit të fëmijëve në Amerikë, dhe shton se vaksinat e kanë përmbushur detyrën e tyre.
SIMPTOMAT E INFEKTIMIT TEK PERSONAT E VAKSINUAR
Sipas të dhënave, infeksionet duket të jenë të lehta dhe shpesh asimptomatike.
Masha Gessen, gazetare, gjithashtu u sëmur pavarësisht se ishte vaksinuar. Sëmundja ishte e butë dhe simptomat përfshinin rrjedhje të hundës, acarim të syve, lodhje, humbje të nuhatjes dhe shijes, por të gjitha u zhdukën brenda një jave. Disa kanë raportuar kapsllëk dhe dhimbje koke. Pas marrjes së vaksinës, dy muaj më vonë, Travis Dageneneis nga Bostoni u sëmur, e cila vuante nga simptoma të ngjashme me gripin e zakonshëm, me temperaturë, edhe pse e kishte të vështirë, kryesisht pyeste veten se çfarë do të kishte ndodhur nëse nuk do të ishte vaksinuar.
“Duhet të kuptojmë se 94 ose 95 përqind e vaksinës është e sigurt, jo 100 përqind. Nuk ka të bëjë me forca të blinduara mbrojtëse dhe forca të padukshme. Është e vështirë të kalosh atë që kam kaluar, por nuk mund ta imagjinoj se çfarë do të ndodhte sikur të mos isha vaksinuar,” tha ai.
MË PAK TË RREZIKSHËM PËR TË TJERËT
Edhe pse Kame ende ka disa nga simptomat e sëmundjes, ajo është e lumtur që nuk e kaloi virusin tek familja e saj. “Partneri im nuk ishte as i vaksinuar dhe nuk u sëmur, edhepse ne fjetëm në të njëjtin shtrat. “E vërteta është se ju mund të merrni vaksinën, por nuk keni pse t’ia kaloni virusin njerëzve pranë jush dhe kështu të shmangni ndjenjën e fajit, gjë që mendoj se është e tmerrshme.”
Njerëzit që u prekën nga COVID-19, edhe pse janë plotësisht të vaksinuar, shpesh kanë shumë më pak viruse në trupin e tyre, që do të thotë gjithashtu se ata janë më pak infektues, tregon një studim në Izrael. Disa studime kanë sqaruar se vaksina Pfizer mund të jetë deri në 94 përqind efektive në parandalimin e infeksionit asimptomatik që do të zvogëlojë rrezikun e transmetimit të sëmundjes.
