Peritonitis është sëmundje akute inflamatore e cila ndikon në peritoneum – pjesën e brendshme të murit abdominal dhe zgavrën e barkut, e cila kërkon ndërhyrje urgjente kirurgjikale.
Inflamacioni i peritoneumit mund të shkaktohet nga bakteret që e kanë sulmuar zgavrën e barkut, apendiksi i plasaritur, sëmundja e pankreasit dhe fshikëzës së tëmthit, perforimi i disa organeve në stomak (stomaku, zorrët, etj) dhe rrjedhjen e lëngut në zgavrën e barkut. Peritonitis mund të shfaqet edhe si rezultat i ndërhyrjes kirurgjikale joprofesional në abdomen, si dhe për shkak të numrit të madh të sëmundjeve gjinekologjike.
Simptomat e peritonitis
Dhimbja e papritur dhe e padurueshme, stomaku është i fortë dhe shtypja e barkut është mjaft e dhimbshme. Simptomat karakteristike të peritonitis përfshijnë të vjellura, ethe, rrahje zemre, djersë të ftohta dhe çrregullim.
Në rastin e ndërhyrjeve kirurgjikale në kohën gjatë shfaqjes së simptomave të para të sëmundjes, mundësia e mbijetesës është shumë e lartë. Zgavra e barkut hapet dhe pastrohet, diagnostikohet dhe largohet shkaktari i inflamacionit. Nëse kjo procedurë nuk bëhet në kohë, infeksioni përhapet me shpejtësi, toksinat hyjnë në gjak, ndërsa furnizimi i organeve me gjak bëhet shumë i vështirë.
Periudha e rimëkëmbjes është e ngadaltë dhe kërkon kujdes të veçantë. E rëndësishme është që të mbahet një dietë e veçantë, dhe pastaj gradualisht të kalohet tek të ushqyerit e zakonshëm.
