Edukimi i vajzave në shoqërinë e sotme nuk është aspak një detyrë e thjeshtë. Domethënë, bota ka pritshmëri shumë të vjetruara nga vajzat, nga mënyra se si duhet të sillen deri tek ato se si duhet të duken. Kjo është arsyeja pse prindërit shpesh nuk e kanë të lehtë t’i mësojnë vajzat e tyre të jenë të lumtura, të kënaqura dhe të kenë vetëbesim.
Për t’i bërë gjërat edhe më keq, prindërit me qëllime të mira shpesh përdorin fraza të zakonshme në përpjekje për të shpjeguar sjelljen e keqe ose për të ngritur vetëbesimin tek vajzat e tyre, dhe me këto fraza ata arrijnë të kundërtën.
Siç shpjegon psikologia Laura Frojen, nënë e dy vajzave, këto fraza në fakt mund të japin një kontraefekt në edukimin e tyre, mund t’ju bëjnë më shumë dëm sesa mirë. Njërën ndër to si veçanërisht të rrezikshme, e cek marrëdhënien me djemtë. Ajo thotë se shumë njerëz përdorin shprehjen “ai po ju shqetëson sepse ju do”, dhe kjo në fakt mund të shkaktojë probleme të mëdha.
Sipas mendimit të psikologes, ky është një nga mesazhet më të dëmshme që prindërit mund t’u thonë vajzave të tyre.
„Vajzat duhet të dinë se nëse janë të dashura, ato duhet të trajtohen me dinjitet dhe respekt”. Nëse themi se një djalë apo i ri është i keq, sepse ai të pëlqen, ne po i mësojmë fëmijët tanë se çfarë të presin në marrëdhëniet e ardhshme romantike. Me fjalë të tjera, prindërit po ua bëjnë të ditur vajzave të tyre se agresioni lejohet dhe se është një shprehje dashurie, gjë që është krejtësisht e gabuar”, paralajmëron Frojen.
