Aktualisht, rreth 450 000 njerëz në botë po shërohen nga COVID-19, ndërsa numri vazhdon të rritet… Lajmi i keq është se, nuk është e qartë nëse një person që është infektuar një herë është rezistent ndaj ri-infeksionit dhe pikërisht këtu është i rëndësishëm sistemi imunitar.
Të gjithë e dimë se imuniteti është mbrojtje e plotë kundër sëmundjeve, por sipas Qendrës për Kontrollin dhe Parandalimin e Sëmundjeve, puna është shumë më e ndërlikuar se kaq. Imuniteti kongjenital është i pranishëm që nga lindja, imuniteti i fituar është një përgjigje specifike ndaj antigjeneve të caktuara ose ndaj një grupi të antigjeneve të lidhur. Imuniteti i fituar ndahet në aktiv dhe pasiv.
Dallimi varet nga fakti se sa është i vetëdijshëm organizmi për virusin dhe bakteret për të cilat ka zhvilluar antitrupa, dhe sa mund t’i parandalojnë sëmundjet e ardhshme. Lajmi i mirë është se të dyja format e imunitetit mund të luajnë rol të madh në mbrojtjen e koronavirusit.
ÇFARË ËSHTË IMUNITETI AKTIV DHE SI FITOHET?
Imuniteti aktiv fitohet kur trupi është i ekspozuar ndaj ndonjë sëmundjeje, dhe stimulon sistemin imunitar të prodhojë antitrupa ndaj sëmundjes. Kjo mund të ndodhë në dy mënyra: ose përmes infeksionit (domethënë që ndodh natyrisht) ose përmes vaksinës.
Vaksinimi krijon imunitet të ngjashëm me atë të një sëmundje natyrore, por pa ekspozuar sëmundjen dhe komplikimet e mundshme të saj. Ky lloj imuniteti do të ndihmojë sistemin imunitar të njohë sëmundje të caktuara dhe do të ndikojë në prodhimin e antitrupave të nevojshëm për organizmin për t’u mbrojtur nga sëmundja. Imuniteti aktiv është mbrojtje afatgjatë, por varet nga sëmundja e caktuar.
Edhe pse kërkohen shumë hulumtime, thotë Dr. Jamie Meyer, profesor në Universitetin Yale, është e sigurt që imuniteti aktiv dhe pasiv mund të mbrojnë kundër koronavirusit.
Sidoqoftë, shkencëtarët aktualisht janë duke u përqëndruar në studimin e imunitetit të fituar te njerëzit që janë shëruar nga infeksioni.
IMUNITETI NDAJ INFEKSIONIT TË PËRSËRITUR
Disa javë më parë, në një takim të Organizatës Botërore të Shëndetit, Dr. Michael Ryan, drejtori i programit të tyre të urgjencës, shprehu se akoma nuk dihet nëse njerëzit që kanë marrë veten nga infeksioni i koronavirusit mund të jenë përsëri viktima të të njëjtit virus, dhe cili lloj imuniteti është i nevojshëm për të luftuar virusin.
“Ne do të presim që pacienti të zhvillojë antitrupa dhe kështu të mbrohet për një periudhë më të gjatë kohore. Megjithatë, është e vështirë të pretendosh ndonjë gjë sepse ne akoma jemi duke punuar me një virus të ri, të panjohur”, tha Dr. Ryan.
Sidoqoftë, disa ekspertë pajtohen që një herë një person i infektuar ka zhvilluar një formë të mbrojtjes.
Nëse ky virus sillet si të gjithë të tjerët, pasi një person infektohet dhe shërohet, ata duhet të fitojnë imunitet për të mbrojtur veten nga ri-infeksioni, pretendon Dr. Anthony Fauci, profesionist udhëheqës i sëmundjeve infektive në Shtetet e Bashkuara.
ÇFARË ËSHTË IMUNITETI PASIV?
Imuniteti pasiv është mbrojtja e fituar nga zhvillimi i antitrupave ndaj sëmundjes përmes sistemit imunitar. Kjo mbrojtje është e kufizuar në kohë, zakonisht në disa javë ose muaj. Transferimi i antitrupave nga nëna tek fëmija përmes placentës është shembull i imunitetit të fituar.
Një nga avantazhet e mëdha të imunitetit pasiv është se ai menjëherë ofron mbrojtje, por nuk vepron për aq kohë sa imuniteti aktiv dhe humbet forcën e tij brenda disa javësh.
Sidoqoftë, ky është gjithashtu informacion i dobishëm që mund të ndihmojë në lidhje me koronavirusin:
“Me dhënien e antitrupave të gjakut të një personi që është shëruar nga infeksioni i pacientëve të cilët janë të sëmurë ose më të vjetër në mënyrë që të parandalohen komplikimet dhe shërimi sa më i shpejtë”, pretendon Dr. Meyer, duke shtuar se nevojiten hulumtime të mëtejshme.
