Enteriti i rrezatimit është inflamacion i zorrëve që paraqitet pas terapisë me rrezatim.
Enteriti shkakton diarre, nauze, të vjella dhe dhimbje barku tek njerëzit që marrin rrezatime në pjesën e barkut, legen ose rektum. Është më e zakonshme tek njerëzit që marrin terapi rrezatimi për kancerin në bark dhe të legenit.
Për shumicën e njerëzve, enteriti nga rrezatimi është i përkohshëm, me inflamacion që zakonisht zvogëlohet disa javë pas përfundimit të trajtimit. Por për disa, enteriti i rrezatimit mund të vazhdojë gjatë edhe pas përfundimit të terapisë me rrezatim, ose mund të zhvillohet me muaj ose vite pas trajtimit.
Enteriti kronik i rrezatimit mund të shkaktojë komplikime të tilla si anemi, diarre ose obstruksione të zorrëve.
Trajtimi fokusohet në lehtësimin e simptomave derisa ndezja të shërohet. Në raste të rënda, mund të jetë e nevojshme ushqyerja me tub ose operacion për të hequr pjesë të zorrëve.
Simptomat
Simptomat e enteritit nga rrezatimi përfshijnë diarre, nauze, të vjella dhe dhimbje barku. Simptomat shfaqen për shkak të acarimit të zorrëve nga terapia me rrezatim për kancerin. Simptomat zakonisht zhduken disa javë pas përfundimit të trajtimit. Por ndonjëherë ato zgjasin më shumë. Enteriti i zgjatur nga rrezatimi mund të shkaktojë anemi dhe obstruksione të zorrëve.
Faktorët e rrezikut
Rreziku i enteritit nga rrezatimi është më i lartë tek njerëzit që i nënshtrohen trajtimeve me rrezatim për kancerin e stomakut dhe legenit. Enteriti nga rrezatimi ndodh sepse terapia mund të shkaktojë acarim të zorrëve.
Përktheu dhe përshtati:S.N
