Mjekët italianë dhe britanikë e hetojnë lidhjen e mundshme midis pandemisë së koronavirusit dhe sëmundjes së rëndë inflamatore me të cilët fëmijët shkojnë në spital me ethe të larta dhe arterie të enjtura.
Mjekët në Italinë veriore, një nga pikat më të mëdha në botë me KOVID-19, kanë raportuar një numër jashtëzakonisht të madh të fëmijëve nën moshën nëntë vjeçar me forma të rënda të sëmundjes së rrallë Kawasaki. Mjekët nga Britania e Madhe kanë vërejtur në mënyrë të ngjashme, kështu që Ministri i shëndetësisë Matt Hancock tha në një konferencë shtypi se ai ishte “shumë i shqetësuar” dhe se mjekët po e analizojnë hollësisht këtë çështje.
Sëmundja Kawasaki, shkaku i së cilës është i panjohur, prek fëmijët nën moshën pesë vjeçare dhe shkakton temperaturë të lartë, skuqje, nyje limfatike të ënjtura, dhe në raste të rënda, inflamacion të arterieve të zemrës.
Në një spital në Bergamo muajin e kaluar, u pranuan më shumë se 20 raste të inflamacionit të rëndë vaskular, gjashtë herë më shumë sesa gjatë gjithë vitit, theksoi mjeku kardiolog pediatër Mateo Kyufreda.
Sipas tij, vetëm disa prej tyre ishin pozitiv ndaj koronavirusit, ndërsa raste të ngjashme raportuan edhe kolegët nga Madridi dhe Lisbona. Ai u bëri thirrje mjekëve që të dokumentojnë ndonjë rast të tillë për të përcaktuar nëse ekziston ndonjë lidhje midis sëmundjes Kawaski dhe COVID-19.
Dje, Health Service Journal lëshoi një paralajmërim për të gjithë mjekët në Britaninë e Madhe duke i paralajmëruar ata për një sindrom të ri i cili po shfaqet gjithnjë e më tepër tek fëmijët në ditët e fundit. Sipas raportit, fëmijët në Britani po përjetojnë gjithnjë e më shumë simptoma të pazakonta, siç janë dhimbjet e forta të barkut.
“Në tre javët e fundit, ka pasur një rritje të madhe të numrit të fëmijëve të të gjitha moshave me inflamacion multisistem që kërkon kujdes intensiv. Sindroma mund të shkaktojë simptoma të pakëndshme si dhimbje barku dhe inflamacion në zemër”, shkruan në paralajmërimin.
