![6](https://panacea.mk/al/wp-content/uploads/2022/10/6.jpg)
Një studim i publikuar së fundmi ka treguar se dëmtimi i testikujve tek njerëzit nuk është pasojë e infeksionit të drejtpërdrejtë me SARS-CoV-2, por ka të ngjarë të jetë pasojë e ekspozimit ndaj inflamacionit sistemik ose antigjeneve SARS-CoV-2.
Ndryshe, përveç dëmtimit akut të mushkërive, karakteristika të tjera të formës së rëndë të COVID-19 janë dëmtimet e organeve të shumta, komplikimet e zemrës dhe dështimi i veshkave. Gjithashtu, një nga ndërlikimet e COVID-19 është dëmtimi i testikujve te meshkujt.
Receptorë të shumtë ACE2 në qelizat rezident të testikujve mund të jenë përgjegjës për dëmtimin e testisit gjatë infeksionit SARS-CoV-2. Në testikuj, ACE2 rregullon prodhimin e testosteronit dhe vëllimin e lëngut intersticial duke moduluar shndërrimin e angiotenzinës 2 në angiotenzinë 1.
Shkaqe të tjera të dëmtimit të testikujve mund të jenë infeksioni i drejtpërdrejtë i qelizave rezidente nga virusi ose ekspozimi ndaj ndërmjetësve të infeksionit inflamator sistemik (p.sh. stuhia e citokinës) ose antigjeneve virale. Megjithatë, mekanizmat që rregullojnë dëmtimin e testikujve, një nga shenjat dalluese të formës së rëndë të COVID-19, nuk janë kuptuar plotësisht.