Shkruan: Aleksandra Timkovska/aleksandra@panacea.mk
Kongresi i 36-të i Shoqatës Ndërkombëtar të Pastrimit të Gjakut është planifikuar për datat 6-8 shtator në MANU, ndërsa në datat 8 dhe 9 pasojnë Kurset CME në ERA-EDTA (Association of European kidney specialists/Shoqata e specialistëve evropianë të veshkave
dhe ISN (The International Society of Nephrology) Shoqata Ndërkombëtare e Nefrologjisë. Ajo që është e rëndësishme të theksohet në prag të Kongresit, thotë Prof. Dr. Spasovski, është se pjesëmarrësit do të marrin UEMS (Bashkimi Evropian i Specialistëve të Mjekësisë) pikë të akredituara për pjesëmarrje, të cilat në vend njihen për ekuivalencën.
Është njoftuar se në fakt ky Kongres do të jetë i pari në vend në fushën e nefrologjisë, ndërsa kush do të mbajë ogurin botëror, pasi që ftesat janë dërguar tek disa shkencëtarë të njohur botërisht. A e dini se sa ligjërues nga bota do të vijnë saktësisht në vend dhe nga cilët vende do të jenë ato?
Prof. Dr. Spasovski: Tani për tani kemi 24 ligjërues të shquar botërorë nga Kina, India, Japonia, SHBA, Britania e Madhe, Belgjika, Italia, Polonia, Rusia, Republika Çeke, Turqia, Sllovenia, Kroacia, Serbia, Bullgaria, Shqipëria…
Kongresi, përveç nesh, është jashtëzakonisht interesant edhe për rajonin, pasi që në kuadër të programit do të mund të shihen arritjet botërore dhe metodat më moderne të cilat përdoren në këtë fushë të mjekësisë, cilat janë temat që do të përfshihen?
Prof. Dr. Spasovski: Përveç dializës e cila është procedura më standarde e cila në mënyrë të rregullt kryhet në vendet e rajonit, me të gjitha modalitetet dhe teknikat, procedurat e reja diagnostikuese dhe mundësitë për ngadalësimin e progresit të dështimit të veshkave, gjithashtu do të flitet edhe për teknikat për pastrimin e gjakut nga toksinat e përshtatshme ose substancat e dëmshme imunologjike në periudhën para dializës. Pastaj, kur të fillohet me terapinë e nevojshme renale zëvendësuese të veshkave, si dhe cila teknikë pastrimi duhet të zgjidhet për pacientin e duhur dhe gjendjen e tij mjekësore, teknikat e pastrimit te pacientët me nivele të larta të yndyrës, si dhe në onko-nefrologji, masat specifike gjatë trajtimit të sindromit atipik hemolitik-uremik, siç është nevoja për pastrim në kushte të shtatzaninsë dhe transplantimi i veshkave me komplikimet e duhura mjekësore. Së fundmi, do të flitet për të gjitha problemet shoqëruese të pacientëve që trajtohen me këto teknika dhe komplikimet e mundshme afatgjate.
Deri në mbajtjen e Kongresit ka pothuajse edhe dy muaj, si rrjedhin përgatitjet, pra çfarë po ndodh saktësisht dhe për çfarë po punohet sa i përket organizimit të ngjarjes?
Prof. Dr. Spasovski: Vendi ku do të mbahet Kongresi është MANU, kemi kushte teknike për kongresin botëror, si dhe teknika moderne për prezantim të suksesshëm, megjithëse për organizimin në përgjithësi kemi nevojë për fonde, në mënyrë që të mund të tregojmë veten në mënyrën më të mirë të mundshme organizative. Për fat të keq, Maqedonia nuk ka shumë kompani botërore të cilat kanë të bëjnë me temat e Kongresit, megjithatë pak prej tyre e njohin nevojën dhe momentin për mbështetje, si dhe besojmë se e njëjta nuk do të mungojë.
Ajo çka është e rëndësishme të theksohet në prag të mbajtjes së Kongresit, është se pjesëmarrësit do të marrin UEMS (Union of European Medical Specialists) pikë të akredituara për pjesëmarrje, të cilat në vend njihen për ekuivalencën, thekson Prof. Dr. Spasovski.
Në përgjithësi, në botë ka mjaft ngjarje mjekësore, por kufizimet e buxhetit në çdo vendi për ilaçet dhe pajisjet mjekësore, si dhe perceptimet e fundit të konflikteve të interesit për ndërveprimin e mjekut – kompanisë, hapësira për të mbështetur pjesëmarrjen e kolegëve në ngjarjet e duhura është mjaft e ngushtë. Për më tepër, Maqedonia nuk është vend lehtësisht i arritshëm me aviacion, prandaj dëshirojmë që të inkurajojmë pjesëmarrjen e kolegëve të vendeve përreth me pjesëmarrje promovuese regjistrimi, megjithëse ka interes, ku deri tani kemi pranuar pesëdhjetë abstrakte edhe nga pjesëmarrës nga të gjitha vendet nga të cilat kemi edhe ligjërues.
Më tej, finalizohet programi, negociohen simpoziume interesante, si dhe ‘lunch’ simpoziume. Ne organizojmë akomodimin në hotele dhe transferimet, opsionet më optimale të fluturimit, etj.
Së fundmi, edhe pse është herët të parashikohet, cila mendoni se do të jetë pika më kulminante e kongresit?
Prof. Dr. Spasovski: Supozimi se do të informohemi për mundësitë e rigjenerimit ose, nga ana tjetër, prodhimin e një veshkë artificiale ose një veshkë portative.
