Studimi, i publikuar në revistën Nature Microbiology, bazohet në testimin e antitrupave tek 38 pacientë dhe profesionistë shëndetësorë në spitalin St. Thomas, të cilët u infektuan gjatë valës së parë të koronavirusit përpara se të vaksinoheshin.
Pavarësisht rënies fillestare të niveleve të antitrupave menjëherë pas infektimit, rezultatet treguan se në shumicën e individëve (18/19 pacientë), antitrupat u zbuluan 10 muaj pas infektimit.
Ekipi hulumtues, i udhëhequr nga Dr. Katie Dors nga Shkolla e imunologjisë dhe mikrobiologjisë, testoi gjithashtu se si antitrupat e krijuar për të luftuar një variant specifik të SARS-CoV-2 do të reagonin ndaj varianteve të tjera. Është treguar se antitrupat gjenerojnë një përgjigje të fortë ndaj ri-infeksionit me të njëjtin lloj, por kanë qenë më pak efektive në luftimin e varianteve të tjera.
Antitrupat lidhen me proteinën me gjemba të virusit SARS-CoV-2, ndërsa vaksinat imitojnë këtë proteinë për të shkaktuar përgjigje imune. Megjithatë, mutacionet në variantet e reja të virusit (alfa, beta, delta) kanë ngritur shqetësime nëse vaksinat e zhvilluara për të synuar variantin origjinal të koronavirusit do të jenë efektive kundër varianteve të reja dhe nëse ato duhet të ridizajnohen.
Këto rezultate sugjerojnë se vaksinat e specializuara për një varianti ishin më pak efektive kundër varianteve të tjera dhe se vaksinat e krijuara për variantin origjinal që jepet aktualisht, ofrojnë mbrojtjen më të mirë kundër të gjitha llojeve dhe duhet të përdoren në programin e imunizimit.
