Çdo kush prej neve përpiqet të jetë një prind i mirë. Dhe, njëkohësisht secili prej nesh e di, se kjo shpesh nuk është aq e lehtë për t’u arritur. Prindërimi është plot sfida dhe ndonjëherë me qëllimet më të mira bëjmë diçka të gabuar. Duke qenë se çdo fëmijë është i ndryshëm, nuk ekziston asnjë manual sipas të cilës në duhet ti ndjekim udhëzimet gjatë edukimit të tyre, por ekzistojnë këto rregulla universale, zbatimi i të cilave siguron që fëmija të jetë i lumtur, i kënaqur dhe mbi të gjitha i shëndetshëm.
- Mos e goditni asnjëherë fëmijën!
Çdo prind e di se fëmija i tyre mund t’i çmendë dhe t’i sjell ata në një situatë që t’i godasin pak, por mos ia lejoni vetes këtë. Largohuni nga fëmija, bëni një dush të ftohtë, tek sa shtrëngoni një jastëk bërtitni me zë… Mundohuni të çlironi energjinë negative të akumuluar në një mënyrë tjetër që nuk e rrezikon fëmijën tuaj. Pse të mos e goditni? Ka shumë arsye. Duke goditur një fëmijë, ju po dërgoni mesazhe që ndoshta nuk do të dëshironit kurrë t’i jepni atij – se është në rregull të godasësh dikë më të dobët se ti, se është në rregull të godasësh personin që do, se është në rregull të godasësh dikë kur nuk keni se nga tia mbani, se është në rregull të përdorësh forcë fizike, të “dëgjosh” prindërit nga frika… Lëreni autoritetin tuaj mbi fëmijën, i cili është pa dyshim i nevojshëm, por lëreni atë ritet me dashuri dhe jo, me frikë.
- Respektoni fëmijën tuaj!
Fëmija juaj, sado i vogël qoftë, ka personalitetin, interesat dhe dëshirat e tij. Edhe pse është i vogël, është gjithashtu një qenie njerëzore që kërkon një marrëdhënie plot dashuri dhe respekt. Kjo nuk do të thotë se duhet t’ia plotësoni çdo kërkesë, por duhet ta lejoni të shprehë lirshëm dëshirat e tij, edhe pse disa prej tyre mund të refuzohen. Mos e tallni, mos i minimizoni frikën apo dyshimet e tij, mos e ofendoni apo nënçmoni kurrë. Asnjëherë mos e harro faktin se kjo krijesë e vogël ka integritetin e saj që as ti dhe as kushdo tjetër nuk duhet t’ia shkelni.
- Luani me fëmijën tuaj
Fëmija juaj ka nevojë për kohën që ju e kaloni duke luajtur me të. Nuk duhet të luash me orë të tëra, ekspertët thonë se mjafton gjysmë ore në ditë, por duhet të jetë një kohë në të cilën nuk do t’u ndërpresë zilja e celularit dhe paralelisht periudha e përgatitjes së drekës. Më e mira është metoda “floortime” – uluni në dysheme me fëmijën, luani me figura, vizatoni, bëni një rrugë dhe luani me makinat, gjuani mes vete me jastëkë, gudulisni, ushtroni, këndoni, kërceni, modeloni… Ndiqni fëmijën dhe dëshirat e tij dhe të jetë i sigurt se një lojë e tillë plotësisht e përkushtuar do të rimbush bateritë e tij.
- Komunikoni
Tregoni interes të sinqertë për atë që po bën fëmija, flisni për mendimet, ndjenjat dhe jetën e tij të përditshme. Flisni me të për atë që keni bërë, çfarë ju pëlqen dhe çfarë jo… Ju e mësoni fëmijën e vogël të shprehë me fjalë ndjenjat e tij, në mënyrë që kur të rritet të mund të zbulojë me saktësi ndjenjat e tij dhe të mësojë të merret me to, në mënyrën e duhur. Lejoni thjesht të tregojë dëshirat e tij dhe përpiquni t’i jepni zgjedhje sa më shpesh të jetë e mundur. Shpjegoni gjithçka dhe flisni qysh në moshë të vogël – sigurisht, sapo fëmija të fillojë të flasë, mos harroni ta dëgjoni.
- Jini të sinqertë me fëmijën tuaj
Shumica e fëmijëve e ndjejnë pothuajse instinktivisht kur prindërit e tyre po i “anashkalojnë”. Shmangni një marrëdhënie të tillë dhe tregohuni të sinqertë me fëmijën që në fillim. Tregojini gjithmonë të vërtetën për ngjarje të rëndësishme, ndryshime etj, sado të vështira të jenë pyetjet, sepse fëmija ndjen instinktivisht kur i fsheh diçka, por nuk di të kuptojë dhe interpretojë atë që ka ndodhur. Është përgjegjësi e prindit t’i thotë të vërtetën fëmijës në mënyrë të pranueshme dhe të kuptueshme për të, me fakte dhe pa ekzagjeruar detajet dhe aq sa mund të pranojë për moshën e tij.
Përktheu dhe përshtati:S.N
