Njohja e çdo shenje të hershme të infeksionit të ri me koronavirus mund t’ju paralajmërojë që të jeni më të kujdesshëm për shëndetin tuaj, të shkoni te mjeku dhe të merrni të gjitha masat e nevojshme për të parandaluar përhapjen e infeksionit te të tjerët. Megjithatë, me variantet e reja të virusit, simptomat e zakonshme, mbizotëruese dhe fillestare gjithashtu ndryshojnë.
Sipas një studimi shkencor të botuar së fundmi në revistën Future Virology, kserostomia ose goja e thatë, është shenjë e hershme e koronavirusit.
ÇFARË ËSHTË KSEROSTOMIA?
Kserostomia është gjendje në të cilën gjëndrat e pështymës në gojë nuk prodhojnë pështymë të mjaftueshme për të mbajtur gojën tuaj të lagësht. Nëse keni gojë të thatë, mund të ndjeni se pështyma është e trashë. Ju gjithashtu mund të përjetoni erë të keqe të gojës së bashku me vështirësi në përtypje, të folur dhe gëlltitje. Mund të çojë gjithashtu në dhimbje të fytit, ngjirje të zërit dhe gjuhë të plasaritur ose të thatë.
Studiuesit kanë zbuluar se kjo shenjë është e dukshme në 60 për qind të rasteve të infektimit me COVID. Ata zbuluan gjithashtu se goja e thatë është shenjë e Covid-it, e cila mund të shfaqet deri në tre ose katër ditë përpara se të shfaqen simptoma të tjera.
- Trajtimi ndihmon në zbutjen e kësaj simptome
Studiuesit vëzhguan pacientë me COVID-19 të cilët ishin pranuar në Repartin e sëmundjeve infektive në Spitalin Shahid Beheshti në Iran. Pacientët monitoroheshin çdo ditë derisa të zgjidhej simptoma e gojës së thatë. Ata zbuluan se, për fat të mirë, në shumicën e pacientëve që përjetuan thatësi, kjo simptomë u qetësua pas fillimit të trajtimit.
- Si mund t’ju ndihmojnë këto informata?
“Kserostomia në COVID mund të shfaqet para simptomave të zakonshme. Mund të përdoret për diagnostikim të hershëm, karantinë dhe trajtim. Si rezultat, transmetimi i sëmundjes mund të parandalohet dhe mund të arrihen rezultatet më të mira të trajtimit”, thanë studiuesit.
Simptoma tjera të COVID
Së bashku me gojën e thatë, nëse keni COVID, mund të keni gjithashtu një ose më shumë nga simptomat e zakonshme të mëposhtme:
- Temperaturë të lartë
- Kollë e vazhdueshme
- Humbje ose ndryshim i nuhatjes ose shijes
- Frymëmarrje e shkurtër
- Lodhje
- Dhimbje trupi
- Dhimbje koke
- Dhimbje të fytit
- Hundë të zëna
- Humbje e oreksit
- Diarreja
SIMPTOMAT AKTUALE DOMINANTE TË COVID
Për njerëzit që janë vaksinuar dy herë dhe janë infektuar me koronavirus, disa nga simptomat mbizotëruese që mund të përjetojnë, përfshijnë:
- Dhimbje të fytit
- Rrjedhje hundësh
- Hundë të zëna
- Kollë e vazhdueshme
- Dhimbje koke
- Teshtitje
