Më shumë se një vit ka kaluar që nga shfaqja e koronavirusit të ri dhe sëmundjes së COVID-19, ndërsa ne akoma po zbulojmë gjëra të reja në lidhje me këtë infeksion. Mutacionet e reja po shkaktojnë shqetësime të mëtejshme dhe lista e simptomave tani është shumë më e gjatë se në fillim të pandemisë.
Përveç kësaj, koronavirusi nuk shfaqet në të njëjtën mënyrë te të gjithë. Disa pacientë kanë simptoma të rënda, disa të lehta, ndërsa disa janë bartës asimptomatik, dmth nuk shfaqin ndonjë simptomë të sëmundjes.
SIMPTOMAT KLASIKE TË COVID-19
Sipas udhëzimeve mjekësore, simptomat më të zakonshme që konsiderohen shenja klasike të sëmundjes janë: temperatura e lartë trupore, kollitja dhe dhimbja e fytit. Përveç kësaj, një nga simptomat më karakteristike të COVID-19 është humbja e ndjenjës së nuhatjes dhe shijes, e cila ndodh në pothuajse 60 përqind të personave të infektuar.
Tek shumica e pacientëve, koronavirusi fillon si infeksion i frymëmarrjes, kështu që personi fillimisht mund të përjetojë simptoma të ngjashme me gripin ose alergjinë. Temperatura që shfaqet tek pacientët me COVID-19 është përgjithësisht midis 37.5 dhe 39 gradë dhe zakonisht shoqërohet me kollë të thatë. Tek pacientët me kovid, temperatura mund të zgjasë me ditë, si dhe me inflamacion të fytit.
Nëse keni ndonjë nga këto simptoma për tre ditë ose më shumë, ose mendoni se keni qenë i ekspozuar ndaj virusit, është mirë të bëni testin për koronavirusin.
SIMPTOMAT JO TË ZAKONSHEM TË COVID-19
Përveç këtyre simptomave klasike, njerëzit që infektohen me koronavirus mund të përjetojnë simptoma të pazakonta të tilla si inflamacion në të gjithë trupin. Kur virusi sulmon fibrat muskulore, mund të shfaqen dhimbjet muskulore dhe të trupit, inflamacion të kyçeve, të përziera, të vjella, konfuzion, lodhje kronike dhe rraskapitje.
Disa pacientë kanë raportuar gjithashtu skuqje, ndryshime të gishtave të këmbëve, konjuktivit, rënie të flokëve dhe gjëmim të veshëve si simptoma të koronavirusit të ri. Përveç kësaj, disa pacientë zhvillojnë mpiksje të gjakut që më vonë mund të shkaktojnë probleme shtesë.
KUR DUHET TË SHKONI TE MJEKU?
Tek njerëzit me simptoma të lehta, shërimi nga koronavirusi zakonisht zgjat midis 10 dhe 14 ditë. Por pacientët me pamje të rëndë klinike kanë nevojë për kujdes mjekësor.
Duhet të theksohet se disa simptoma janë shenjë se nuk keni nevojë për kujdes të menjëhershëm mjekësor. Këto simptoma përfshijnë gulçimin, buzë dhe fytyrë blu, dhimbje gjoksi, ngushtësi rreth zemrës, ngopje oksigjeni dhe temperaturë kronike që zgjat ndërmjet pesë dhe 10 ditë.
