Anomalia që shfaqet si rezultat i mungesës së formimit të gjysmës së rruazave nga shtylla kurrizore quhet hemivertebra. Karakteristike për këtë sëmundje është se gjysma e vertebrave kurrizore janë pjesërisht ose plotësisht të zhvilluara, ndërsa tjetra mungon. Si rezultat i mangësive gjatë zhvillimit të shtyllës kurrizore, zhvillohet shtrembërimi i shtyllës kurrizore: kifoza, skolioza ose lordoza.
Provokimet neurologjike (paraliza e këmbëve, jashtëqitja e çrregulluar dhe dhimbja) shfaqen për shkak të: angulimit ose ngushtimit të kanalit kurrizor, jostabilitetit të kurrizit, tërheqja ose fraktura e rruazave.
Sindroma më e famshme e këtij keqformimi është Klippel Feil – bashkimi i vertebrave të qafës.
Blloku vertebral
Kjo shfaqet për shkak të ngjitjes së parakohshme të disa rruazave. Kjo gjë mund të çojë në ngjeshjen e rrënjëve nervore që dalin nga rruazat.
Spinal cord tethering syndrome
Spinal cord tethering syndrome shfaqet tek disa sëmundje neurologjike, të cilat ndodhin për shkak të keqformimit të palcës kurrizore si: filum terminale externum, lipomyelocele, diastereomyelia, sinusiti dermal etj.
Normalisht palca kurrizor qëndron lehtësisht në kanalin kurrizor dhe mund të lëvizë lart e poshtë ose përpara dhe prapa. Tek këto sëmundje, palca kurrizore është e fiksuar në një pozicion, fundi i saj është i tendosure dhe si rezultat i kësaj vjen deri te zhvillimi i pamjaftueshëm. Kjo është e theksuar sidomos tek fëmijët, kur ato rriten dhe palca kurrizore mbetet e fiksuar dhe tërhequr. E gjithë kjo çon në simptoma neurologjike si: vështirësi në lëvizje, vështirësi gjatë urinimit, urinim gjatë natës, e kështu me radhë. Shpesh shoqërohet me skoliozën dhe deformimet e shputave.
Në shumicën e rasteve të kësaj anomalie, trajtimi është kirurgjik dhe duhet të bëhet sa më shpejt që të jetë e mundur.
