Të dyja dozat e vaksinës së koronavirusit për shumëkënd do të thotë kthim në jetën e përditshme me më pak kufizime dhe shqetësime. Por, ç’të themi për maskat, distancën fizike dhe testet? A mund të infektoni të tjerët edhe pse jeni vaksinuar?
A mund të jenë personat e vaksinuar bartës të virusit?
Mundësia që një person i vaksinuar plotësisht, pra një person që ka marrë dy doza të vaksinës, të dalë pozitiv për testin PCR është i vogël, por nuk përjashtohet, thonë nga Instituti Robert Koch, instituti gjerman për kontrollin e sëmundjeve dhe parandalimi.
Sidoqoftë, të dhënat tregojnë se sasia e virusit tek njerëzit e vaksinuar është dukshëm më e ulët dhe se koha e nxjerrjes së virusit është shkurtuar, ekziston një rrezik i caktuar që ata të mund të përhapin virusin.
“Ashtu siç numri i njerëzve të vaksinuar rritet, do të ketë më shumë njerëz që janë vaksinuar kundër virusit”, theksoi Carsten Wachl, sekretar i përgjithshëm i Shoqatës gjermane të imunologjisë.
“Kjo është e vogël, por varet nga efekti i vaksinës tek individi dhe sasia e virusit përreth tij”, tha ai, duke shtuar se mund të jetë veçanërisht e rrezikshme për të moshuarit dhe ata që tashmë janë të sëmurë.
ÇFARË DUHET TË BËJMË?
Shumica nuk janë plotësisht të vaksinuar dhe mund të sëmuren rëndë nëse infektohen me koronavirus. Kjo është një arsye tjetër pse njerëzit e vaksinuar duhet të mbajnë distancën fizike dhe të mbajnë maskë në shoqërinë e të pavaksinuarve.
Në vendet e mbushura me njerëz, siç është transporti publik, të gjithë duhet të jenë të kujdesshëm. Prandaj, autoritetet shëndetësore vazhdojnë të rekomandojnë respektimin e masave themelore siç janë mbajtja e maskës, larja e duarve, ajrosja dhe distanca fizike. E gjithë kjo zvogëlon ndjeshëm transmetimin e virusit.
“Me variantin delta, ekziston një sasi më e madhe e virusit në trup, kështu që rreziku i transmetimit të virusit është më i lartë,” shpjegon Vacl.
A duhet që personat e vaksinuar të vazhdojnë të testohen?
Nëse të vaksinuarit dhe të pavaksinuarit janë së bashku, për shembull në një festë, Vacl këshillon të gjithë që të testohen paraprakisht. Në tubime të tilla, rreziku i infektimit rritet edhe në mesin e të vaksinuarve.
“Për shkak se nuk dihet gjithmonë nëse dikush tashmë ka sëmundje shoqëruese, është mirë që të gjithë të testohen”, tha ai.
