Pretendimi se pemët dhe perimet e freskëta janë më të shëndetshme sesa ato të zierat, nuk vlen kur bëhet fjalë për misrin. Studiuesit amerikanë kanë zbuluar se gjatë përpunimit termik të misrit, zierjes ose pjekjes, vjen deri te lirimi i molekulës me aktivitet antioksidues, gjë që rrit fuqinë e tij mbrojtëse. Një kalli misri përmban rreth 10% fibra dietike, të cilat e rregullojnë nivelin e kolesterolit dhe e zvogëlojnë rrezikun e sëmundjeve të zemrës.
Njejtë si pemët dhe perimet tjera me ngjyrë të verdhë dhe të gjelbër, misri është burim i shkëlqyeshëm i luteinit dhe zeaksantinit, komponime që ndihmojnë në ruajtjen e shëndetit të syve gjatë viteve, sidomos pas moshës 50 vjeçare.
Vlerat ushqyese të misrit: karbohidrate – 82%, yndyra – 10%, proteina – 8%.
Misri është i pasur me fibra dhe nga ai prodhohet vaj me cilësi të lartë, i pasur me vitaminë A, C dhe E, si dhe me acide yndyrore të pangopura. Vaji i misrit rekomandohet për arteriosklerozën progresive, pasiqë ul nivelin e kolesterolit. Sipas nutricionistëve, është i mjaftueshëm konsumimi i 20 gr misri çdo ditë, i zier ose i pjekur, si pjesë e të ushqyerit të rregullt. Përveç kësaj, misri konsiderohet si ushqimi mjaft i shëndetshëm, i cili në vend të një vakti mund të shërbejë për të zëvendësuar darkën. Megjithëse misrin mund ta shijojmë gjatë gjithë vitit, ai që konsumohet në stinën e vjeshtës përmban më shumë lëndë ushqyese.
Misri dhe produktet që fitohen nga ai, në formën e miellit dhe vajit ndikojnë pozitivisht mbi shëndetin kur bëhet fjalë për sëmundjen e Alzheimerit, anemisë, bronkitit, depresionit, diabetit, çrregullimit të metabolizmit, infertilitetit, osteoporozës, reumatizmit, sëmundjet e zemrës, problemet me fshikëzën, kanalet urinare dhe veshkat, si dhe zvogëlon oreksin.
