BA.5 po shpërthen në të gjithë botën, për këtë arsye detyrimi për të mbajtur maskë po rishikohet në shumë vende, pasi numri i rasteve të reja me COVID-19 rritet. Simptomat mund të variojnë nga mezi të dukshme deri në ato të rënda sa të kërkojnë kujdes mjekësor, por ekspertët duan që një gjë të jetë e qartë: BA.5 është varianti më virulent i koronavirusit deri më sot dhe mund të shmangë imunitetin.
Dr. Joe Gastaldo, drejtor i OhioHealth thotë, “Me nënvariantin aktual qarkullues të omicronit (BA.5), ne po shohim më shumë pacientë me COVID-19 në klinikë që kanë simptoma në përputhje me infeksionet e sipërme të frymëmarrjes; dhimbje të fytit, kollë e thatë dhe rrjedhje hundësh.
Pediatri Dr. Sieda Amna Hussain thotë: “Me COVID-19, ju mund të vazhdoni të keni simptoma pas ‘periudhës infektive’. Pas vaksinimit, simptomat mund të mos jenë aq të rënda, por mund të përfshijnë ende ethe, dhimbje koke, dhimbje muskujsh, lodhje, dhimbje të fytit dhe simptoma më të forta si gulçim.
Nëse vuani nga Covid për një kohë të gjatë, atëherë gulçimi mund të mos zgjasë për ca kohë. Fatmirësisht, vaksinat mund të ndihmojnë gjithashtu në uljen e shpeshtësisë së Covid-it afatgjatë. Mënyra më e lehtë për të ditur nëse keni pasur COVID-19 është testi i shpejtë në shtëpi.
SI MUNDET QË DIKUSH NUK E DI SE KA KALUAR COVID-19?
Dr. Hussain shpjegon: “Ka shumë të ngjarë që ju të jeni infektuar me virusin në një moment dhe nuk e keni ditur, sepse rreth 40% e rasteve të konfirmuara të COVID-19 janë asimptomatike, sipas një analize nga Journal of American Medical Association. Ekspertët thonë se koha më e mirë për t’u testuar është 3-5 ditë pas ekspozimit ndaj virusit, edhe nëse nuk jeni duke shfaqur simptoma.
PSE ËSHTË I RREZIKSHËM RI-INFEKSIONI ME COVID?
Dr. Gastaldo thotë, “Do të ishte e gabuar të mendosh se infeksioni me COVID-19 nuk është “një punë e madhe”. Nëse personi ka një gjendje të rrezikshme ose është i pavaksinuar, ekziston një rrezik i lartë i formës së rëndë të sëmundjes dhe serioze që do të rezultojë në shtrimin në spital apo edhe vdekje. Përveç kësaj, edhe pse COVID-i mund të mos rezultojë në formë të rëndë, ri-infeksioni ose infeksioni pas vaksinimit mund të rezultojë në Covid afatgjatë. Të dy personat e vaksinuar dhe të pavaksinuar që kontraktojnë COVID-19 janë në rrezik të simptomave afatgjata, disa prej të cilave mund të jenë dobësuese. CDC vlerëson se një në 13 të rritur amerikanë ka simptoma afatgjata të COVID-19 pas infektimit.
ÇFARË DUHET TË DINE TANI NJERËZIT PËR COVID-19?
Dr. Hussain thotë, “Covid-19 është ende shumë i pranishëm. Varianti BA.5 është varianti më i transmetueshëm deri më tani, ndaj është e një rëndësie të madhe që të vazhdojmë të lajmë duart shpesh dhe të mbajmë maska gjatë qëndrimit në vende të mbyllura publike. Përveç kësaj, është e rëndësishme të dini se edhe pse mund të ndiheni të shëndetshëm, është ende e mundur të keni COVID-19 (asimptomatik) dhe shumë njerëz që infektohen pas vaksinimit kanë simptoma shumë të lehta ose aspak. Prandaj, është e rëndësishme të vazhdoni të testoni shpesh veten dhe të dashurit tuaj nëse jeni ekspozuar.”
PSE BA.5 MUND TË SHMANGË IMUNITETIN?
Dr. Hussain thotë: “Variantet e COVID, duke përfshirë BA.5, mund t’i shpëtojnë imunitetit” përmes mutacioneve. Kjo është pjesë normale e sjelljes së virusit. Individët duhet të vazhdojnë të vaksinohen pasi vaksina COVID-19 redukton ashpërsinë e sëmundjes dhe shtrimet në spital.
