Djersitja e tepërt mund të çojë në dehidrim, ndërsa pasoja mund të çojë në trombozë, sulm në tru dhe sulm në zemër, ndërsa grupi më i rrezikuar është personat mbi 40 vjeç me tension të lartë të gjakut, aritmi dhe fibrilacion atrial.
Përveç matjes së rregullt të tensionit të gjakut me aparat për matjen e tensionit të gjakut, ja çfarë tjetër mund të bëni për shëndetin tuaj.
Sëmundjet kardiovaskulare janë shkaku kryesor i vdekjeve në vend dhe në Evropë. Ajo që është shqetësuese janë fillimi i papritur i temperaturave të larta, ndryshimet e motit, presioni i ajrit, nxehtësia dhe moti i ftohtë, periudha që janë më të rrezikshme për pacientët me sëmundje të zemrës.
“Nxehtësia ekstreme e bën më të vështirë funksionin e zemrës dhe mund të rrisë rrezikun e sulmit në zemër. Trendi i rritjes së temperaturave në muajt e verës, për disa vite, mund të jetë problem në gjendje të tilla si fibrilacioni atrial, aritmitë kardiake, por edhe në përgjithësi me sëmundjet tjera të zemrës”, shpjegon Prof. Dr. Hrvoje Pintaric, specialist i mjeksisë interne dhe urgjencës.
Pse nxehtësia e verës është faktor rreziku?
Në mot të nxehtë, enët e gjakut zgjerohen, gjë që ndihmon në lirimin e nxehtësisë nga trupi, por gjithashtu çon në rënie të presionit të gjakut. Në rast të mungesës së rehidrimit të duhur, mund të ndodhë humbja e ndjenjave.
Nëse temperatura e lartë e jashtme shoqërohet me nivel të lartë lagështie në ajër, djersa nuk do të avullojë, gjë që zvogëlon mundësinë e rregullimit natyror të temperaturës së trupit. Me djersitje humbasim lëngje dhe elektrolite, të cilat në rast të djersitjes së tepërt me kompensim të papërshtatshëm, mund të çojnë në dehidrim duke zvogëluar vëllimin e qarkullimit të gjakut dhe rritjen e viskozitetit të gjakut, gjë që mund të shkaktojë trombozë, sulm në tru ose infarkt në zemër.
NDIQNI KËSHILLAT MJEKËSORE
Udhëzimet e përgjithshme përfshijnë ftohjen e trupit dhe marrjen e lëngjeve të mjaftueshme. Ju nuk duhet të prisni që të shfaqet ndjenja e etjes, por trupi duhet të rehidratohet me ujë të thjeshtë në përputhje me udhëzimet e mjekut i cili do të përcaktojë marrjen e lejuar ditore. E rëndësishme është të shmangni lëngjet ose pijet me kafeinë. Gjithashtu, lëngjet nuk duhet të jenë shumë të ftohta. Rekomandohet të hani vakte më të vogla dhe më shpesh, si dhe dush me ujë të vakët sipas nevojës.
Shmangia e qëndrimit në diell nga ora 10 e mëngjesit deri në orën 5 të pasdites është tashmë rregull i njohur për mbrojtjen nga nxehtësia. Temperaturat e larta në kombinim me dehidratimin mund të çojnë në zhvillimin e komplikimeve ose përkeqësimin e papritur të problemeve ekzistuese shëndetësore. Shmangia e më shumë sforcimeve fizike dhe respektimi i nevojës së trupit për pushim kur jashtë është nxehtë, gjithashtu është masë e rëndësishme.
“Sezoni i kondicionerëve ka filluar, kështu që është mirë të dini disa gjëra: ndryshimi midis temperaturës së dhomës dhe ajrit të jashtëm nuk duhet të kalojë 7 gradë, ndërsa rregullimi gradual është i nevojshëm kur dilni jashtë”, sqarojnë ekspertët.
