Ndryshe nga variantet e mëparshme që anashkaluan fëmijët, ky nuk zgjedh viktimat e tij, kështu që fëmijët deri në 12 vjeç janë në rrezik. Rreth 94,000 raste të infeksioneve tek fëmijët janë raportuar në Shtetet e Bashkuara që nga fillimi i këtij muaji.
“Varianti Delta është shumë më infektiv dhe për këtë arsye më i zakonshëm tek fëmijët,” tha Dr. Paul Ofit, drejtor i Qendrës për Sëmundje Infektive në Filadelfia. Sipas Qendrës për Kontrollin dhe Parandalimin e Sëmundjeve, ky është një variant dyfish ngjitës që mund të shkaktojë simptoma më të rrezikshme te njerëzit që nuk janë të vaksinuar, dhe duke pasur parasysh që një përqindje më e madhe e fëmijëve nuk vaksinohen, atëherë mbetet një grup rreziku.
Si të njohim variantin delta tek fëmijët?
CILAT JANË SIMPTOMAT E VARIANTIT DELTA TEK FËMIJËT?
Ende është shumë herët për të treguar ndryshimin në simptoma, por nga Universiteti Yale raportohet se kollitja dhe humbja e nuhatjes janë të rralla, ndërsa dhimbjet e kokës, dhimbjet e fytit dhe ethet mbeten simptomat kryesore.
“Është shumë herët për të folur për faktet derisa të shihen rezultatet e një studimi me cilësi të lartë”, shtoi Dr. Michael Grosso, shefi i pediatrisë në Spitalin Huntington.
“Deri më tani, simptomat tek fëmijët dhe të rinjtë janë të njohura, ethe së bashku me kollën, rrjedhje hunde, çrregullimet gastrointestinale, por edhe skuqje që nuk ndodh aq shpesh”, shton Grosso. Para variantit delta, COVID nuk kishte simptoma tek fëmijët, por tani gjithçka ka ndryshuar. Ai shton se pavarësisht se cili variant është aktualisht dominues, prindërit duhet të jenë të vetëdijshëm për gjendjet e tjera që COVID-19 mund të shkaktojë tek të rinjtë.
SINDROMA INFLAMATORE MULTISISTEMIKE
Një nga sëmundjet serioze është sigurisht sindroma inflamatore multisistemike. Tek fëmijët, është gjendje në të cilën pjesë të ndryshme të trupit preken nga inflamacioni, i cili prek mushkëritë, zemrën, veshkat, lëkurën, sytë dhe organet gastrointestinale. Sigurisht, është e rëndësishme të kontaktoni menjëherë mjekun, infermiere ose të shkoni në spital nëse vëreni ndonjë nga këto simptoma tek fëmija juaj:
- Temperaturë të lartë
- Dhimbje në zonën e barkut
- Të vjella
- Diarre
- Dhimbje qafe
- Skuqje
- Skuqje të syve
- Lodhje e rëndë
- Tensioni i ulët i gjakut
KUR DUHET TË TESTOHET FËMIJA PËR COVID?
Nëse vëreni se ka simptoma që tregojnë probleme me sistemin e sipërm të frymëmarrjes, fëmija patjetër duhet të testohet. Gjithashtu, simptomat e mësipërme nënkuptojnë që ju duhet të vizitoheni te mjeku menjëherë, dhe kjo është veçanërisht e vërtetë për fëmijët që shkojnë në shkollë.
