Studimet tregojnë se 9 nga 10 gra para diagnozës kanë më shumë simptoma që mund të tregojnë kancer ovarian, por që nuk njihen, por dhe se më shumë se 60 për qind e grave, pavarësisht nga simptomat, nuk mendojnë për kancerin ovarian. Në 70% të rasteve, sëmundja zbulohet në një fazë të avancuar. Gratë duhet të jenë të vetëdijshme për simptomat që mund të tregojnë kancerin e vezoreve, të tilla si:
- Rritja e volumit të barkut
- Fryrje
- Ngopja e shpejtë prej ushqimit
- Dhimbje të legenit dhe barkut
- Vështirësi gjatë urinimit
Këtyre simptomave duhet t’u kushtojnë vëmendje edhe gjinekologët dhe mjekët amë. Gratë duhet të bëjnë kontrolle të rregullta gjinekologjike, ndërsa pacientët duhet të dërgohen në institucione ku ka një ekip multidisiplinar që do të planifikojë dhe kryejë trajtimin. Ndonëse bëhet fjalë për kancer në të cilin mbijetesa pesëvjeçare është shumë modeste, në vend ndiqen format më moderne të trajtimit, gjë që ngjall shpresë.
Gjithashtu theksohet edhe rëndësia dhe kompleksiteti i trajtimit kirurgjik dhe testimit të mutacioneve në gjenet BRCA1 dhe BRCA2 që ofrojnë trajtim të synuar për gratë e diagnostikuara me kancer ovarian të shkallës së lartë dhe mutacion të konfirmuar. Testimi duhet të kryhet menjëherë pas operacionit ose biopsisë, ndërsa 20 deri në 30 për qind e të infektuarve kanë mutacion në gjenin BRCA.
ÇFARË DUHET TË DINI?
Nuk ka kontroll të organizuar për kancerin e vezoreve dhe për këtë arsye është e rëndësishme të ndërgjegjësohen gratë për rëndësinë e ekzaminimeve të rregullta gjinekologjike dhe njohjes së simptomave.
Kanceri i vezoreve mund të zhvillohet tek çdo grua
Nuk ekziston test skrining për kancerin ovarian,
Pap testi nuk është metodë për zbulimin e kancerit të vezoreve dhe kanaleve fallopiane,
Kanceri i vezoreve më së shpeshti diagnostikohet në një fazë të avancuar, të vonë,
Ndërgjegjësimi i simptomave si rritja e volumit të stomakut, fryrja, ngopja e shpejtë prej ushqimit, dhimbje të legenit dhe stomakut, vështirësi gjatë urinimit mund të jenë shenjat e para që lidhen me shfaqjen e sëmundjeve të ndryshme, por edhe kancerin e vezoreve,
Diagnostifikimi i hershëm përmirëson ndjeshëm mbijetesën,
Tek gratë me simptoma që mund të tregojnë sëmundje malinje të vezoreve dhe kanaleve fallopiane, duhet urgjent të bëhet ekzaminimi gjinekologjik, ekografi transvaginale dhe të përcaktohet markeri tumoral SA125.
