Organizata Botërore e Shëndetësisë (OBSH) ka lëshuar mbrëmë rekomandime të përkohshme për përdorimin e vaksinave kundër COVID-19 nga prodhues të ndryshëm për dozën e dytë dhe dozën përforcuese.
Në varësi të disponueshmërisë, vaksinat mRNA, të tilla si ato të zhvilluara nga Pfizer dhe Moderna, mund të përdoren si doza shtesë pas dozave fillestare të vaksinave vektoriale, si AstraZeneka dhe anasjelltas, theksuan nga OBSH.
AstraZeneka dhe çdo vaksinë mRNA mund të përdoret gjithashtu pas dozës fillestare të vaksinës së inaktivizuar, siç është Sinofarm, sipas OBSH-së.
Vaksinat vektorial të virusit përmbajnë udhëzime për prodhimin e antigjeneve të koronavirusit, ndërsa vaksinat MRNA përdorin kodin nga SARS-CoV-2, koronavirusi që shkakton COVID-19 të shkaktojë një përgjigje imune tek marrësi. Vaksinat e inaktivizuara përdorin virusin SARS-CoV-2, i cili i vret me ndihmën e kimikateve, nxehtësisë ose rrezatimit.
Udhëzimet u bazuan në këshillat e Grupit Këshillues të Ekspertëve të OBSH-së për vaksinat në fillim të këtij muaji.
Rekomandimi vjen pasi një studim i madh javën e kaluar zbuloi se doza e parë e vaksinës AstraZeneka ose Pfizer, si dhe doza e dytë e vaksinës Moderna, nëntë javë më vonë prodhuan një përgjigje më të mirë imune.
Megjithatë, OBSH thotë se përzierja duhet të marrë parasysh disponueshmërinë, si dhe përfitimet dhe rreziqet e përdorimit të vaksinave COVID-19.
Sipas OBSH-së, rekomandimet do të rishikohen kur të ketë më shumë të dhëna.
Shumë vende tashmë kanë filluar përzierjen e vaksinave, sepse kanë parë rritje të numrit të rasteve me COVID-19, rezerva të vogla dhe imunizimin e ngadaltë të popullsisë.
