Studimi, i botuar në revistën JAMA Internal Medicine, është provë e rëndësishme që pacientët asimptomatikë gjithashtu mund të transmetojnë COVID-19.
Shkencëtarët nga Fakulteti i Mjekësisë në Korenë e Jugut, të udhëhequr nga Prof. Seungyae Lem analizoi të dhëna e 303 personave midis datës 6 dhe 26 mars, pas shpërthimit të epidemisë në kisha. Grupi gjithashtu përfshinte individë të moshës 22 deri në 36 vjeç dhe dy të tretat e grave. Nga këta, 193 ishin asimptomatikë, ndërsa 110 ishin pacientë simptomatikë.
Në mesin e atyre që ishin fillimisht asimptomatikë, 89 asjëherë nuk shfaqën ndonjë simptomë, ose gjithsej 30 përqind. Ky konstatim tregon se sa infektues janë me të vërtetë asimptomatikë, sesa “parasimptomatikë” (të cilët supozohet se nuk kanë simptoma), gjë që është konfuze.
Të gjithë u ekzaminuan në intervale të rregullta pas ditës së tetë të izolimit dhe kishin vlera të krahasueshme të materialit gjenetik të koronavirusit në rrugët e sipërme dhe të poshtme respiratore.
Koha mesatare në të cilën pacientët u bënë negativ, ishte më e shkurtër për ata që ishin asimptomatikë në krahasim me simptomatikët: 17 ditë krahasuar me 19.5 ditë.
Autorët thonë se zbulimi i tyre “tregon kondicionimin biologjik” të transmetimit asimptomatik të sëmundjes.
Sidoqoftë, ata paralajmërojnë se studimi është marrë vetëm me sasinë e materialit viral të pranishëm dhe nuk u përpoq të monitorojë pacientët për të përcaktuar se si ndikoi në përhapjen e koronavirusit.
