Dy raste në Brazil tregojnë se pacientët me COVID-19 të cilët kanë zhvilluar simptoma të lehta, por që zgjatën më shumë mund të infektojnë të tjerët 37 ditë (në rastin e parë) dhe 24 ditë (në rastin e dytë) pas shfaqjes së simptomave të para.
Këto raste sugjerojnë që individët me simptoma të lehta të COVID-19 mund të qëndrojnë infektues për një kohë të gjatë dhe theksojnë nevojën për të marrë masat e duhura paraprake për të shmangur përhapjen e koronavirusit të ri SARS-CoV-2 tek të tjerët.
Në rastin e parë, një paciente 50-vjeçare që kishte kollë të thatë, dhimbje koke, dhimbje të muskujve dhe nyjeve dhe pa ethe, testi SARS-CoV-2 ishte pozitiv 22 ditë pas shfaqjes së simptomave të para. Më vonë ajo përjetoi të përziera, të vjella dhe humbje të ndjenjës së nuhatjes dhe shijes. Testi i dytë SARS-CoV-2 ishte akoma pozitiv 37 ditë pas shfaqjes së simptomave.
Në rastin e dytë, gjithashtu një grua në të pesëdhjetat e saj, kishte temperaturë, dhimbje koke, kollë, dhimbje fyti, dhimbje të muskujve dhe nyjeve, rrjedhje hundësh dhe të përziera. Testi i parë i SARS-CoV-2, pesë ditë pas shfaqjes së simptomave, ishte pozitiv, ashtu siç ishte testi 24 ditë pas shfaqjes së simptomave të para. Simptomat e COVID-19 ishin të pranishme për rreth 35 ditë.
