Personat që përdorin transportin publik dhe ata që punojnë me shumë kontakte janë në rrezik më të ulët të ri-infektimit me koronavirusin e ri. Arsyeja është se ata janë në kontakt me grupe të mëdha njerëzish dhe ata kanë marrë sëmundjen dhe kanë antitrupa.
Studimi përfshiu të dhëna për rezultatet seropozitive nga 24 qytete, ndërsa vetëm një në katër njerëz që dolën pozitivë për serologji mund të mbanin mend simptomat e sëmundjes. Deri në 75 për qind e të anketuarve iu nënshtruan COVID-19 pa simptoma të konsiderueshme. Disa raportuan simptoma të tilla si ato me grip, ndërsa disa madje nuk e dinin se kishin koronavirus.
Rezultatet nga 10 427 persona në Indi, përfshirë 2 073 punonjës të kujdesit shëndetësor, u shqyrtuan dhe të njejte u botuan në revistën MedRxiv.
U zbulua se 50% e njerëzve seropozitivë kishin ethe, ndërsa 25% e humbën nuhatjen dhe shijen. Vetëm 3% kishin probleme të frymëmarrjes, të cilat kërkonin oksigjen shtesë ose shtrim në spital.
Duke komentuar mbi personat që përdorin transportin publik, shkencëtarët vunë në dukje se midis tyre kishte 16% seropozitive krahasuar me 9% midis atyre që përdorin transportin personal. Kjo do të thotë që antitrupat janë 20 përqind më të zakonshëm tek ata që udhëtojnë me tramvaj ose autobus, në krahasim me veturat personale. Për më tepër, ato janë treguar dy herë më rezistente ndaj ri-infektimit.
Në këtë studim, shkencëtarët gjithashtu analizuan se si COVID-19 ndikon në grupe të ndryshme të gjakut. Ata me grup gjaku AB kishin më shumë antitrupa (10% e të anketuarve) gjë që gjithashtu tregon një farë rezistence. Midis atyre me grupet e gjakut O dhe A, 7% ishin pozitivë me antitrupa, ndërsa ata me grupin e gjakut B u zbuluan se shfaqnin një rrezik 36% më të lartë të infeksionit me koronavirus.
