Sipas kritereve të Klasifikimit Ndërkombëtar të dhimbjeve të kokës, diagnoza caktohet nëse pacienti ka pasur pesë dhimbje koke të ngjashme, të cilat deri në ekzaminim zgjasin deri në 72 orë pa mjekim.
Pulsim në kokë
Njerëzit që vuajnë nga migrena shpesh pretendojnë se ndjenjë pulsim në kokë dhe se ndjenjë se koka do t’ju shpërthejë në çdo moment. Dhimbja është e tmerrshme dhe e mbytur.
Dhimbje vetëm në njërën anë
Kur keni migrenë, koka ju dhemb vetëm në njërën anë, ndërsa tek kokëdhimbjet klasike, dhimbja paraqitet kudo, ndërsa kokëdhimbja sinusale zakonisht ndjehet si presion rreth faqeve, syve dhe ballit.
Dridhje para syve
Kur keni migrenë vjen deri te reduktimi i qarkullimit të gjakut në tru dhe gjithçka ngadalësohet. Nga ana tjetër, rreth 25% e pacientëve përjetojnë aureolë para ose gjatë migrenës. Aureola vizuale shkakton forma të ndryshme të syve të shtrembëruar, duke përfshirë ndriçim, ngjyra të ndryshme, shikim të pikseluar, reflektime në njërën anë të fushës së shikimit ose linja zig-zag me ngjyra. Këto lloje ndryshimesh zakonisht nuk ndodhin në kokëdhimbjet klasike ose ato të sinusit.
Dobësi dhe ndjesi shpimi gjilpërash
Migrena gjithashtu mund të paraqitet edhe me aureolë ndijore e cila shkakton ndjesi shpimi gjilpërash, ndjesi pickimi ose madje edhe dobësi në njërën anë të trupit. Disa njerëz gjithashtu kanë edhe aureolë zëri, kështu që ata e kanë të vështirë të gjejnë fjalë, gjë që është e ngjashme me atë që ndodh gjatë sulmit në tru.
Nuk jeni në vete edhe kur kokëdhimbja të përfundojë
Njerëzit që kanë migrenë janë shpesh në depresion, nervoz ose shumë euforik. Gjithashtu, disa kanë edhe probleme të mëdha me përqendrimin.
