Prof. Panovski: Është herët të thuhet nëse omicron përhapet më shpejt se varianti delta dhe nëse simptomat janë më serioze, por skenari më ideal dhe optimist është të përhapet me shpejtësi dhe të mos ketë rezultat fatal – kështu të gjithë do të imunizohen shpejt

Një variant i ri i koronavirusit në Afrikën e Jugut, i quajtur omicron, ka shkaktuar shqetësim të madh te shkencëtarët. Siç e dimë – tashmë është në Evropë. Sa ndryshon nga variantet e mëparshme, nëse është më i rrezikshëm, sa mbron vaksina nga ky lloj, nëse po përhapet më shpejt ne e pyetëm Dr. Nikolla Panovski nga Fakulteti i Mjekësisë në Shkup.

“Është herët për t’u thënë, studimet po vijojnë si ato laboratorike ashtu edhe epidemiologjike. A përhapet dhe sa më shpejt se varianti delta, a ka simptoma më serioze dhe a janë më pak të mbrojtur ata që janë vaksinuar dhe që e kanë kaluar? Kjo e fundit merr më shumë kohë. Tani për tani, spekulohet se përhapet më shpejt, por se jep simptoma më të lehta. Skenari më ideal dhe optimist është të përhapet shpejt dhe të mos ketë përfundim fatal. Kështu që të gjithë do të imunizoheshin shpejt, për fat të keq për fanatikët e vaksinave. “Të gjithë skenarët tjerë janë shqetësues, por edhe më të mundshëm”, tha Prof. Panovski.

Të gjithë ekspertët pajtohen se lloji i ri duhet të monitorohet dhe se deri më tani nuk ka asnjë informacion që mund të jetë vërtet shqetësues.

“Kur gjurmojmë mutacionet e tij – ndërsa ka një masë mutacionesh në lidhje me variantet e tjera – është kombinim i mutacioneve që gjejmë në variante të tjera të ndryshme të rrezikshme që janë gjurmuar. Omikron ka rreth 15 mutacione që i ndan me variante të tjera, por ka edhe rreth 20 mutacione të reja për të cilat ne nuk e dimë se për çfarë shërbejnë”, shpjegon imunologu kroat Zlatko Trobonjaca.

Sipas tij, varianti omicron ka njëfarë potenciali për të qenë shumë i transmetueshëm ose imuno-invaziv duke pasur parasysh mutacionet që mbart, por a do ta vërtetojë këtë në praktikë, Prof. Trobonjaca ka të njëjtin qëndrim si Prof. Panovski se e gjithë kjo mbetet për t’u parë.

“Një kategori e tretë e virusit është e rëndësishme në këtë epidemi dhe kjo është ashpërsia e sëmundjes që shkakton. Të dhënat e para tregojnë se ky variant nuk shkakton pamje më të rëndë klinike, përkundrazi shkakton pasqyrë klinike më të lehtë ku dominon lodhja dhe dhimbja e kokës”, shpjegon imunologu.