Studim i ri ofron prova shtesë se njerëzit me grup të caktuar gjaku kanë më shumë të ngjarë të sëmuren nga COVID-19. Gjegjësisht, është zbuluar se koronavirusi i ri SARS-CoV-2 tërheq veçanërisht antigjenin e grupit të gjakut A, i cili ndodhet në qelizat e frymëmarrjes.
Në këtë studim, studiuesit u përqëndruan në proteinën sipërfaqësore të virusit SARS-CoV-2, e cila quhet fusha e lidhjes së receptorëve (RBD), e cila është pjesë e virusit që lidhet me qelizat pritëse. Kjo e bën atë objektiv të rëndësishëm për shkencëtarët që përpiqen të kuptojnë se si virusi infekton njerëzit.
Qëllimi i studimit ishte të vlerësonte se si SARS-CoV-2 RBD ndërvepron me qelizat e kuqe të gjakut dhe ato respiratore tek grupet e gjakut A, B dhe O.
Rezultatet treguan se SARS-CoV-2 RBD kishte tendencë të fortë për t’u lidhur me grupin e gjakut A, i cili gjendet tek qelizat e frymëmarrjes, por nuk kishte tendencë të qelizave të kuqe të gjakut në grupin e gjakut A ose grupe të tjera të gjakut që gjenden tek qelizat respiratore ose tek qelizat e kuqe te gjakut.
Interesant është fakti se, RBD virale në të vërtetë preferon llojin e antigjeneve të grupit A të gjakut që gjenden tek qelizat e frymëmarrjes, e cila është ndoshta mënyra se si virusi hyn në shumicën e pacientëve dhe i infekton ata, thonë shkencëtarët.
