Pacientët me COVID-19 që marrin terapi me oksigjen ose që kanë temperaturë të lartë trupore duket se tregojnë vëllim të zvogëluar të masës gri në rrjetin frontal-temporal të trurit, tregon studimi i ri. Volumi i zvogëluar i masës gri në këtë rajon të trurit gjithashtu është treguar i lidhur me nivele më të larta të aftësisë së kufizuar te pacientët me COVID-19 që në gjashtë muaj pas daljes nga spitali.
Masa gri në tru është vitale për përpunimin e informacionit në tru, ndërsa anomalitë e masës gri mund të ndikojnë në funksionimin dhe komunikimin e neuroneve.
Rezultatet e këtij studimi sugjerojnë që COVID-19 mund të ndikojë në rrjetin frontal-temporal me temperaturë të lartë trupore ose mungesë oksigjeni.
Reduktimi i masës gri në gyrusin frontal ishte gjithashtu i pranishëm te pacientët me agjitacion, krahasuar me pacientët pa agjitacion. Kjo nënkupton që ndryshimet në masën gri në pjesën frontale të trurit mund të jenë bazë për çrregullimin e gjendjes emocionale që shpesh shihet te pacientët me COVID-19.
Ekspertët tregojnë se ndërlikimet neurologjike gjithnjë e më shumë po dokumentohen tek pacientët me COVID-19. Duhet gjithashtu të theksohet se zvogëlimi i masës gri është gjithashtu i pranishëm në çrregullime të tjera, të tilla si skizofrenia.
Burimi: Neurobiology of Stress
