Proteinat janë thelbësore për rritjen, zhvillimin dhe rinovimin e trupit. Megjithatë, hulumtimet tregojnë se intoleranca e qumështit të lopës shpesh vjen nga proteinat; sidomos alfa-S1-kazeinë. Qumështi i dhisë ka sasi më të ulët të kësaj proteine sesa qumështi i lopës, që është një nga arsyet që tolerohet më mirë nga disa njerëz. Mirëpo, disa nga proteinat e qumështit të dhisë janë mjaft të ngjashme me ato që gjenden në qumështin e lopës dhe mund të shkaktojë reaktivitet të kryqëzuar. Në këtë rast, konsultohuni me konsulent ose specialist të alergjisë.
Përderisa përmbajtja e yndyrës së qumështit të dhisë është e ngjashme me atë të lopës (3.6% me yndyrë të plotë, 1.6% me yndyrë gjysëm të plotë dhe pothuajse zero përqind për të skremuar), globulat e yndyrës janë më të vogla në përmasa dhe në këtë mënyrë më lehtë treten. Përbërja e proteinave në qumështin e dhisë lejon formimin e kajmakut të butë gjatë tretjes, gjë që mund të kontribuojë në tretje më të mirë.
Qumështi i dhisë ka më shumë oligosakaride se qumështi i lopës, me sasi të ngjashme me qumështin e gjirit. Këto veprojnë si probiotikë në lukth dhe mund të ndihmojnë në ruajtjen e shëndetit të traktit digjestiv, duke stimuluar rritjen e baktereve të dobishme të zorrëve dhe duke parandaluar rritjen e baktereve të dëmshme.
Qumështi i dhisë ka nivel më të ulët të kolesterolit natyral se qumështi i lopës, edhe varianti skremuar edhe ai me yndyrë gjysëm të plotë janë alternativë e mirë për personat që kujdesen për nivelin e kolesterolit dhe marrjen e yndyrave të ngopura.
Tre porcione të produkteve të qumështit të dhisë, mund të ofrojnë më shumë se 100% të futjes së referencës së kalciumit për të rritur. Kalciumi është thelbësor për zhvillimin dhe mirëmbajtjen e eshtrave dhe dhëmbëve, për parandalimin e osteoporozës, por gjithashtu mund të ndihmojë në kontrollin e peshës trupore duke shpërbërë yndyrën trupore. Një porcion qumësht dhie – 200 ml, siguron më shumë se një të katërtën – 180 mg të vlerës ushqyese referuese të fosforit (që ndihmon në ndërtimin e kockave dhe të dhëmbëve dhe lirimin e energjisë nga ushqimi) dhe i plotëson nevojat ditore të jodit (gjë që ndihmon në mirëmbajtjen e funksionit të gjëndrës tiroide dhe metabolizëm të shëndetshëm) dhe siguron 340 mg kalium (përfshirë në ruajtjen e tensionit të gjakut).
