“Hulumtimi që po kryhet është inkurajues dhe duket se shumica e njerëzve që janë shëruar, dmth., që e luftuan sëmundjen, kanë mbrojtje afatgjate, tani për rreth tetë muaj. Kërkimet e kryera së fundmi mbi vaksinat janë gjithashtu inkurajuese,” thotë Prof. Alemka Markotic, drejtoreshë e Klinikës së Sëmundjeve Infektive në Zagreb.
Lajm i mirë, thotë Prof. Markotic është studimi i Moderna, i cili tregoi se rreth katër muaj pas vaksinimit të plotë, njerëzit ende kanë nivele të larta të antitrupave të cilat janë reduktuar dobët, që do të thotë se mbrojtja mund të jetë afatgjate.
“Lajmi i dytë i mirë është hulumtimi i Pfizer, i cili tregon se modelet mutante të këtyre viruseve, të cilat përhapen me shpejtësi deri në 70 për qind dhe shkaktojnë probleme në Britaninë e Madhe dhe Afrikë, ndërsa po përhapen edhe përreth, vaksina Pfizer gjithashtu mbron nga ata mutantë, të paktën sipas hulumtimeve fillestare,” shpjegon profesoresha, duke shtuar se ishte e vështirë të thuash se sa kohë vaksina mund të mbrojë nga infeksioni.
“Kjo është e vështirë të thuhet, sepse nuk kemi kërkime të mjaftueshme afatgjata. Moderna tani po planifikon një ndjekje 13-mujore dhe efekte anësore dhe mbrojtje të mundshme afatgjate, por ne presim, sipas hulumtimit paraprak, që mund të jetë mbrojtje e gjatë për më shumë se një vit. Disa, që janë optimistë, presin madje disa vjet”, shpjegon Prof. Markotic.
