Në këtë artikull, ne ju sjellim një listë të përgjithshme të të gjitha simptomave që mund të tregojnë gjendje të rëndë shëndetësore dhe që paralajmërojnë se është koha për të shkuar për vizitë te mjeku.
Fakti që një simptomë që shfaqet në njërën anë të trupit mund të tregojë probleme në anën tjetër është gjithmonë konfuze. Po kështu, simptomat, të cilat mund të jenë të parëndësishme në vetvete, në të vërtetë mund të zbulojnë një gjendje serioze dhe probleme të mëdha shëndetësore. Ju duhet që të dëgjoni trupin tuaj, ta njihni mirë atë në mënyrë që të vini re të gjitha ndryshimet në kohë, dhe nëse i vini re ato, është e detyrueshme të paraqiteni te mjeku.
Simptoma që mund të jenë shenjë e sëmundjeve
Simptomat e sulmit në zemër (infarktit) përfshijnë dhimbje, presion dhe shtrëngim në mes të gjoksit që zgjat më shumë se disa minuta: dhimbje ose siklet në pjesë të tjera të trupit mund të shfaqen si gulçim, djersitje të ftohta, nauze.
Simptomat e sulmit në tru përfshijnë “rënien” e një pjese të fytyrës, dobësi në krahë, probleme në të folur, marramendje, humbje të stabilitetit dhe mpirje. Humbja e shikimit dhe dhimbja e kokës janë gjithashtu disa nga simptomat.
Problemet e sistemit riprodhues që mund të tregojnë sëmundje përfshijnë gjakderdhje në mes të ciklit, kruajtje, ndjesi shpimi gjilpërash, acarim, dhimbje dhe siklet gjatë seksit, dhimbje pelvike ose abdominale, shkarkime të pazakonta, fryrje, nevojë e vazhdueshme për të urinuar.
Simptomat që zbulojnë problemet e gjirit mund të përfshijnë shkarkimin nga gjiri, ndjeshmëri dhe dhimbje në gji, nyje ose trashje të gjirit ose në zonën rreth gjirit.
Simptomat e sëmundjeve të mushkërive sigurisht përfshijnë kollën, por veçanërisht aty ku ka gjak, gulçim, vështirësi në frymëmarrje, bronkit të vazhdueshëm ose pneumoni të përsëritur.
Simptomat e problemeve me digjestionin ose lukthin përfshijnë gjakderdhje rektale, gjak në jashtëqitje ose jashtëqitje shumë të errëta. Ekzistojnë gjithashtu ndryshime në tretje, të tilla si paaftësia për të kryer nevojën, diarre, gastrit, të vjella me gjak.
Sëmundja e veshkave mund të çojë në probleme urinare, dhimbje gjatë urinimit ose dëshirë të vazhdueshme për të urinuar, gjak në urinë, madje edhe urinim në shtrat gjatë natës.
Simptomat e sëmundjeve të lëkurës mund të përfshijnë ndryshime të tilla si nishanet e reja, skuqje të shpeshta ose skuqje të fytyrës dhe qafës, verdhëza, mavijosje që nuk zhduken ose skuqje të lëkurës me njolla argjendi.
Problemet e kyçeve dhe muskujve mund të zbulohen nëse dhimbja nuk largohet, për shembull ju keni ndjesi shpimi gjilpërash, mpirje, inflamacion ose skuqje rreth nyjeve.
Simptomat e problemeve emocionale përfshijnë ankthin, depresionin, lodhjen, tensionin, makthet, mungesën e interesit në aktivitetet e përditshme, mendimet vetëvrasëse, halucinacionet dhe iluzionet.
Dhimbje koke të rrezikshme mund të jenë ato që shfaqen papritur, ju mendoni se është dhimbja më e keqe e kokës që keni pasur ndonjëherë, por edhe ato që shfaqen me nauze, marramendje dhe të vjella.
Problemet e peshës trupore, ato që mund të tregojnë se keni çrregullim të ngrënies, shpesh përfshijnë etjen e fortë, urinë e rëndë, humbjen e pashpjegueshme të peshës, urinë, të vjellat, shqetësimin e vazhdueshëm për atë që hani, stërvitjet e detyrueshme dhe depresionin.
