Sa herë që moti bën ndryshimin edhe më të vogël, shfaqen baktere dhe viruse të reja, të cilat kërcënojnë shëndetin dhe vështirësojnë funksionimin normal të përditshëm. Mes tyre është edhe virusi i stomakut, i cili mund të jetë mjaft kërcënues dhe fakti që nuk ka një kurë specifike për të nuk e bën atë më të lehtë. Emri zyrtar i gripit të stomakut është gastroenteriti dhe përshkruhet si një inflamacion i traktit gastrointestinal. Ky inflamacion është rezultat i një infeksioni viral që shfaqet në sistemin tretës, megjithëse ndonjëherë infeksioni mund të jetë edhe bakterial. Më së shpeshti prek fëmijët sepse sistemi i tyre imunitar ende nuk është formuar plotësisht.
Simptomat e një virusi të stomakut janë lehtësisht të dukshme dhe më së shpeshti janë të përziera, megjithëse mjekët besojnë se ato përbëhen nga disa faza. Para së gjithash, shfaqen të vjellura, pastaj molisje dhe një rritje e lehtë e temperaturës së trupit. Megjithatë, këto simptoma fillestare mund të kthehen lehtësisht në të përziera të rënda që shoqërohen me të vjella, dhe shpesh herë në diarre, që i bie se trupi në mënyrë të drejtpërdrejtë do të dehidron. Simptoma të tilla si dhimbja e muskujve, lodhja dhe ethet janë gjithashtu të zakonshme.
Problemi më i madh në lidhje me virusin e stomakut është se nuk ka një ilaç specifik për të që do të mundësonte një shërim të shpejtë dhe të lehtë. Thjesht duhet të kalohen dhe më pas të gjitha fazat do të kalojnë vetë. Megjithatë, ka edhe disa gjëra që duhet t’u përmbahemi, të cilat lidhen me dietën dhe marrjen e lëngjeve.
Duke qenë se trupi dehidratohet shumë shpejt, duhet të merrni një tretësirë elektrolite dhe në orët e para të merrni një lugë çaji çdo pesë minuta, dhe më pas më shpesh. Nëse trupi humb lëngjet, atëherë mund të merrni edhe probiotikë ose qymyr aktiv dhe vetëm pas disa orësh të konsumoni disa ushqime dietike si supë, bukë të thekur ose patate.
Duhet të shmangen: qumështi dhe produktet e qumështit, kafeja dhe alkooli, çokollata, drithërat, ushqimet e yndyrshme dhe të kripura, pijet e gazuara, frutat dhe perimet e freskëta etj.
Simptomat ndryshojnë nga personi në person dhe virusi zakonisht zgjat nga pesë deri në dhjetë ditë, më intensiv në pesë ditët e para. Duke qenë se nuk ka një kurë specifike dhe vaksinë, parandalimi është zgjidhja më e mirë.
Nëse vuani nga virusi i stomakut dhe keni ndjesinë e të vjellave për më shumë se dy deri në pesë herë në ditë, atëherë mund të jetë ndonjë infeksion tjetër, prandaj sigurohuni që të konsultoheni me një mjek.
Pas ndjenjës së parë të të përzierave apo dhimbjeve në stomak, të gjithë kanë menjëherë një dilemë – është virus apo kemi ngrënë diçka?! Akoma më keq, a kemi marrë helmim nga ushqimi? Sipërfaqësisht, virusi i stomakut dhe helmimi nga ushqimi manifestohen në mënyrë shumë të ngjashme dhe kjo nuk është rastësi, por ka një shpjegim mjekësor edhe për këtë “dukuri”.
“Shpesh është shumë e vështirë të dallosh helmimin nga ushqimi dhe gastroenteritin, pra bakteret e stomakut, sepse i njëjti lloj bakteresh dhe virusesh mund të jetojnë në ushqim por dhe te njerëzit. Kjo është arsyeja pse simptomat e këtyre dy gjendjeve janë kaq të ngjashme”, shpjegon gastroenterologu Ketan Shah.
Megjithatë, nëse shikoni nga afër, mund të shihni karakteristikat delikate dhe unike të të dyja kushteve. Kjo në fakt është e nevojshme sepse problemet e padëshiruara të stomakut mund të kenë pasoja shumë më të mëdha nëse i’a lejoni vetes drekën e pasur me yndyrna dhe karbohidrate.
“Disa helmime ushqimore mund të jenë shumë të rrezikshme, madje edhe kërcënuese për jetën, nëse nuk njihen dhe trajtohen,” thotë Shah.
Zbuloni ndryshimet midis helmimit nga ushqimi dhe virusit të stomakut!
– ARSYET –
Ju mund të mendoni shumë qartë se helmimi nga ushqimi shkaktohet nga ushqimi dhe gripi i stomakut shkaktohet nga një virus.
“Në fakt gjërat janë pak më të komplikuara. Të dyja gjendjet shkaktohen nga një bakter ose një virus, por ndryshimi është se si jeni ekspozuar ndaj atij bakteri ose virusi, “thotë Sheh dhe shton: “Helmimi nga ushqimi ndodh kur një patogjen hyn në stomak përmes ushqimit dhe si rezultat vjen virusi i stomakut të çfarë do ekspozimi, që zakonisht transmetohet nga personi në person përmes veshjeve, lëngjeve trupore, sipërfaqeve të kontaminuara dhe ushqimit.”
Mjeku gastroenterolog sqaron më tej se shkaktari më i shpeshtë i helmimit nga ushqimi është norovirusi, salmonela, kampilobakteri, e ndjekur nga clostridia perfrigens, escherichia coli dhe stafilokoku. Nga ana tjetër, patogjenët më të zakonshëm që shkaktojnë një virus në stomak janë salmonela dhe kampilobakteri.
Kur përcaktoni nëse keni një virus apo helmim, përpiquni të mbani mend se çfarë keni bërë. A keni qenë në kontakt me dikë që së fundmi ka pasur ose ka një virus në stomak? Keni harruar të lani duart para se të hani? Atëherë ekziston mundësia që bakteret të jenë fajtore për problemet tuaja.
– SIMPTOMAT –
Këtu do të gjeni më shumë ngjashmëri sesa dallime. Ketan Shah thotë se të dyja gjendjet ndajnë një sërë simptomash, të cilat mund të përfshijnë ngërçe, temperaturë, ethe, të vjellura, ulje oreksi, diarre, dhimbje të kyçeve dhe muskujve, dhimbje koke. Çelësi për të treguar ndryshimin është t’i kushtoni vëmendje kur shfaqen simptomat dhe sa zgjasin ato.
“Për shkak të llojit të patogjenit, simptomat e helmimit nga ushqimi zakonisht zhvillohen brenda pak orëve nga ngrënia e ushqimit të kontaminuar, ndërsa simptomat e gripit të stomakut zhvillohen 24 deri në 48 orë pas ekspozimit ndaj virusit”, shpjegon Shah. Për shembull, nëse keni të përziera ose dhimbje dhe ditë më parë keni ngrënë në një restorant të ri me prodhime deti, 99% të rasteve keni gjetur fajtorin për simptomat tuaja.
Gjithashtu kushtojini vëmendje sa zgjasin simptomat. Nëse stomaku juaj është “i lidhur” për më shumë se disa ditë, ndoshta është një virus.
“Viruset bakteriale, parazitare ose infektive të stomakut zgjasin mesatarisht rreth një javë”, thotë gastroenterologia Toja Xhejms Stivenson.
Trajtimi –
Në të dyja rastet rekomandohet hidratimi dhe marrja e elektroliteve. Shmangni pijet dhe lëngjet me sheqer, pasi ato mund ta përkeqësojnë diarrenë. Hani ushqime të lehta, si supa pule, bukë të thekur, pure patatesh etj. Nëse nuk mund të bëni dallimin midis helmimit dhe virusit të stomakut, vizitoni një mjek, edhe nëse jeni të sigurt se është helmim. Një vizitë te mjeku është gjithashtu e detyrueshme nëse ndjeni shenja të dehidrimit më të rëndë, si dhimbje të forta stomaku, humbje peshe dhe jashtëqitje të përgjakshme.
