Anemia është gjendje në të cilën trupi nuk ka dhe nuk prodhon mjaftueshëm qeliza të kuqe të gjakut ose gjendja kur këto qeliza nuk e bëjnë atë se çfarë është funksioni i tyre.
Shkaqet e anemisë ndryshojnë, ashtu siç ndryshojnë llojet e trajtimit të kësaj gjendje. Megjithatë, metodat më të njohura për trajtimin e anemisë janë mjetet natyrale. Duke pasur parasysh se shkaktarët e anemisë mund të jenë të ndryshëm dhe çdokujt mund t’i ndodh të ndjehet i rraskapitur dhe të duket i zbehtë, nëse kjo gjendje është permanente, është e nevojshme që të kërkohet ndihmë mjekësore.
Kur trupi ka mungesë të qelizave të kuqe të gjakut, ngjyra e lëkurës zbehet dhe mund të vërehet në çdo pjesë të trupit. Niveli i ulët i hemoglobinës në të njëjtën kohë e bën më të vështirë funksionin e zemrës, gjë që bën që zemra të kryej funksionin e saj me përpjekje më të mëdha për të mbajtur rrahjet normale. Nëse trupit ka mungesë të një sasie oksigjeni, i cili shkaktohet nga një numër i pamjaftueshëm i qelizave të gjakut, atëherë trupi duhet të punojë dy herë më shumë për të prodhuar energji të mjaftueshme për obligimet e përditshme.
Një nga organet që ka nevojë për oksigjen dhe që varet nga ai është truri. Nëse truri nuk merr oksigjen të mjaftueshëm, individi vështirë fokusohet dhe vështirë i kryen detyrat e përditshme.
Anemia shkakton plasaritje të buzëve, veçanërisht në skajet të cilat bëhen të bardha dhe të dëmtuara. Për shkak të këtij çrregullimi, është e mundur që të shfaqen prirje të çuditshme ushqimore.
TRAJTIMI NATYRAL
Merrni yndyrna të shëndetshme, siç është vaji i peshkut dhe vaji i ullirit. Rekomandohet që të shmangni ushqimet e përpunuara. Të ushqyerit duhet të përfshijë kefir, djathë dhe jogurt. Rekomandohet konsumimi më i madh i fasuleve, ushqimeve të gjelbra dhe citruseve.
Vitamina B12 rrit nivelin e qelizave të kuqe të gjakut dhe gjendet në mish, vezë, prodhimet e qumështit, peshk dhe frutat e detit. Hekuri, futja e të cilit duhet të rritet, është i pranishëm tek mishi i kuq, spinaqi, brokoli dhe frutat e thatë.
