Koronavirusi do të kthehet dhe përsëri do të përbëjë kërcënim të rrezikshëm për shëndetin publik kur të hiqen masat e distancimit shoqëror, kështu që ato ka të ngjarë të nevojiten deri në vitin 2022, publikuan shkencëtarët e Harvardit. Studimi i tyre vjen në një kohë kur disa shtete evropiane dhe gjashtë shtete të SHBA-së po mendojnë të shfuqizojnë pjesërisht masat dhe të rinisin ekonominë.
Simulimi matematik, botuar në revistën Science, parashikon që COVID-19 do të mbete sëmundje sezonale, si koronaviruset që shkaktojnë ftohjen e zakonshme, dhe se transmetimi do të jetë më i zakonshëm në muajt e dimrit.
“Parashikimi se pandemia do të përfundojë këtë verë nuk është në përputhje me ato që dimë deri më tani,” theksoi një nga autorët, Mark Lipstich.
Por shumë gjëra janë të panjohura deri më tani, përfshirë edhe nivelin e mbrojtjes së imunitetit për ata që kanë tejkaluar sëmundjen dhe sa zgjat ajo mbrojtje, shkruajnë autorët.
VIRUSI ERDHI PËR TË QËNDRUAR
Duke pasur parasysh që shumë të panjohur do të vlerësonin përhapjen e ardhshme të virusit, shkencëtarët kanë modeluar vlerësime të ndryshme të imunitetit të fituar, sa infeksioni do të sulmojë në muajt e ngrohtë dhe distancimin e ri shoqëror.
Sipas këtyre simulimeve, përfshirë izolimin shoqëror një herë dhe distancimin shoqëror të herëpashershëm, infeksioni do të “godiste” përsëri pasi të ishin hequr kufizimet.
Një valë veçanërisht e madhe e sëmundjes u kthye në dimër, shembull tashmë i parë gjatë pandemisë së gripit spanjoll në vitin 1918, ku një e katërta e popullsisë së botës u infektua dhe 100 milion njerëz vdiqën.
Modeli gjithashtu tregoi pasojat e izolimit afatgjatë. Periudha 20-javore e izolimit social dhe mbylljes ekonomike ka qenë aq efektive në parandalimin e virusit sa që “pothuajse asnjë imunitet nuk është zhvilluar në popullatë”, gjë që nga ana tjetër ka shkaktuar përsëri mbingarkesë në njësitë e kujdesit intensiv, spitalet dhe sistemin shëndetësor.
Një gjë është e sigurt, virusi erdhi të qëndrojë. Nuk ka gjasa që niveli i imunitetit kolektiv të jetë mjaft i përhapur dhe mjaft i fortë për të “shuar” COVID-19, siç ndodhi me SARS në vitin 2003.
Mund të merren disa masa të shëndetit publik për të përmirësuar prognozën, theksojnë shkencëtarët.
Këto përfshijnë: testimin diagnostikues, monitorimin e rreptë të kontakteve me pacientët, zgjerimin e kapacitetit të njësive të kujdesit intensiv, testimin e saktë të antitrupave, gjetjen e metodave efektive të trajtimit dhe shpresën më të madhe – një vaksinë.
“Ne nuk mbajmë qëndrim për pranueshmërinë e një skenari të veçantë duke pasur parasysh barrën ekonomike të distancimit shoqëror”, përfunduan studiuesit. “Por ne po theksojmë një barrë potenciale katastrofike mbi sistemin e kujdesit shëndetësor nëse masat për të distancuar veten nuk janë efektive ose nëse nuk janë në fuqi mjaftueshëm gjatë”.
