Çdo muaj, midis ditëve 6 dhe 14 (kur cikli juaj zgjat 28 ditë), hormoni FSH stimulon rritjen e folikulave në vezore. Nga dita e 10-të deri në ditën e 14-të, një nga folikulat zhvillon një vezë plotësisht të pjekur. Rreth ditës së 14-të, hormoni LH shkakton lirimin e asaj veze. Veza më pas udhëton përmes tubit fallopian drejt mitrës. Gjatë kësaj periudhe, niveli i progesteronit rritet, duke përgatitur mitrën për një shtatzëni të mundshme.
- Si vihet deri te ngjizja?
Ngjizja ndodh kur spermatozoidi bashkohet me vezën e lëshuar dhe udhëton në mitër. Ndërsa lëviz, veza e fekonduar fillon të ndahet: së pari në dy qeliza, pastaj në katër, e kështu me radhë. Rreth një javë pas fekondimit, qeliza arrin në mitër dhe bëhet një blastocist, me rreth 100 qeliza.
- Dhimbje gjatë ovulimit
Hapi tjetër është implantimi, kur blastocisti ngjitet në endometrium. Hormonet estrogjen dhe progesterone e trashin endometriumin, duke e lejuar atë të sigurojë lëndët ushqyese të nevojshme për zhvillimin e foshnjës. Këto hormone sinjalizojnë trupin se fëmija po zhvillohet në mitër.
- Kur keni më shumë shanse të mbeteni shtatzënë?
Një vezë jeton vetëm 24 orë, ndërsa sperma mund të mbijetojë për rreth 5 ditë. Kjo do të thotë se marrëdhëniet disa ditë para ovulacionit mund të rezultojnë në shtatzëni, pasi spermatozoidi mund të mbijetojë në traktin riprodhues të femrës derisa veza të jetë gati. Shanset më të mëdha për ngjizje janë në ditën e ovulacionit dhe tre ditë më parë.
Cilat janë simptomat e ovulacionit?
- Disa gra mund të ndjejnë pak dhimbje
- Temperaturë pak e ngritur
- Sekreti bëhet i ujshëm dhe më transparent
- Mund të ndodhë gjakderdhje e lehtë
- Gjinjtë bëhen më të ndjeshëm
- Libido rritet
