Studiuesit ende po mësojnë për simptomat e çuditshme që shfaqen tek disa njerëz, ndërsa tek të tjerët jo.
HUMBJA E NDJENJËS SË NUHATJES DHE SHIJES
Dr. Ali Jamhdor thotë se humbja e shqisës së nuhatjes dhe shijes njihet tashmë si një shenjë e zakonshme e infeksionit me llojin ‘origjinal’ të koronavirusit. Në infeksionin e shtamit delta, flitet më pak për këtë simptomë dhe meqenëse omicron është bërë varianti dominues, ai pothuajse nuk përmendet.
Disa njerëz kanë qenë pa këto ndjesi për orë të tëra, disa për ditë të tëra dhe disa nuk e kanë rikthyer shqisën e nuhatjes dhe shijes pas më shumë se një viti infektimi.
Nuk ka asnjë shpjegim mjekësor për këtë, por fatmirësisht numri i rasteve të raportuara është në rënie.
DIARRE
Dr. Michael Hrt nga Universiteti i Harvardit thotë se shumica e njerëzve që luftojnë me këtë simptomë të COVID-19 mendojnë se janë helmuar nga ushqimi ose thjesht kanë ngrënë diçka që nuk u përshtatet.
Kjo është simptomë kaq e zakonshme saqë shëndeti publik kryen analiza të ujërave të zeza për të monitoruar ekspozimin ndaj virusit.
SKUQJA E LËKURËS
“Skuqja është simptomë vërtet e çuditshme e COVID-19. Ato shfaqen në trup, në kokë, madje edhe në gishtat e këmbëve dhe duken si mavijosje. Shumë njerëz që infektohen me omicron kanë dhimbje të madhe të fytit, gjë që nuk ishte rasti me variantet e mëparshme. Njerëzit duket se ose kanë hundë të zëna dhe kruarje në fyt, ose kanë dhimbje koke, marramendje, kollë dhe ethe”, shpjegon Dr. Teresa Bartlett.
TINITUS
Tingëllim në vesh raportohet herë pas here nga pacientë të infektuar me COVID-19 ose pas marrjes së vaksinës kundër Covid.
Tingëllima në vesh është zakonisht shenjë e dëmtimit të veshit të brendshëm.
Një lidhje e drejtpërdrejtë midis tingëllimës në vesh dhe COVID-19 nuk është konfirmuar; një mundësi është që ajo të shkaktohet nga stuhia e citokinës që shfaqet te pacientët me COVID-19. Nëse zbulohet se kjo lidhje është e pranishme, pacientët që janë në rrezik më të lartë të humbjes së dëgjimit (ata me diabet, sëmundje të zemrës ose për ndonjë arsye tjetër janë në rrezik të humbjes së dëgjimit) do të jenë më të ndjeshëm dhe sëmundja COVID-19 mund të përshpejtojnë proceset patologjike.
SIMPTOMA TË TJERA QË SHFAQEN NË GOJË
Sipas fjalëve të dentistit Mancia Oz, “virusi lidhet me qelizat në gojë”.
Kështu ai hyn në qarkullimin e gjakut dhe përhapet në të gjithë trupin. Kjo mund të rezultojë në simptoma që mund të vini re në gojë:
- Humbja e shijes
- Goja e thatë
- Shtresë të bardhë në gjuhë
- Ngjyra dhe struktura e gjuhës ndryshon
A keni përjetuar ndonjë nga këto simptoma të çuditshme?
